Tambagi ko Noy Kulas: Pulihanay ang show

DEAR Noy Kulas,

Tawga lang ko sa ngalan nga Cherry Pie. Minyo na ko, Noy, pero buwag sa bana kay sumasakabilang bahay. Bitaw, OFW ang akong bana unya nakakaplag og laing OFW, wa na mouli sa amoa for six years.

Sa six years, wa na mi communication pero updated ko kay ang iyang first cousin nga iyang close kaayo maoy tig-update nako. Ang iyang amigo ang akong sumbonganan sa tanan nakong pain sa gibuhat sa akong bana kay nakasabot siya sa akong status kay ang iyang asawa nikuyog og laing lalake, gibiyaan ilang duha ka anak.

Sa sige namo og communicate, na-develop ang among feeling. In short, nagkakami. Pero secret ang among relationship kay basin malain ang among isig ka pamilya. Mag one year na mi kapin.

Karon nga year mouli siya diri aron mo file og annulment sa marriage nila sa iyang asawa. Sunod kay mohatag siya og kwarta aron ako ang mo file og annulment sa akong bana. Noy, maayo kaha ni iyang plano? Dali ra ba ang annulment mahuman? Kon aprobahan, mahimo na ming magminyo? Please tambagi ko.

CHERRY PIE

Cherry Pie,

Kon gipangbiyaan na mo sa inyong partners unya wa nay purohan nga mobalik unya sure mo nga kamo na, ang annulment okay nga alternatibo aron matunhay mo. Pero kana nga process dugay na. Ang tanan nagdepende sa judge, kon iyang dalion ang process. Naay uban five years na wa pa gani. Naa say judge nga more than a year lang naaprobahan dayon. Gasto gyud na nga process kay mobayad mo sa abogado ug psychologist. Nakahibawo na ba kaha siya sa gasto?

Mahimo mong magminyo sa civil nga seremonyas. Apan kon nakasal mo sa simbahan, di mo makasal, sa civil court ra. Kay lain na sab nga annulment process ang simbahan. Mao na nga kuti ang simbahan nga kasal kon mag annulment of marriage na ang hisgutan.

Saboti una ninyo og maayo. Pahibaw-a na sab ang inyong tagsa ka pamilya aron di sila makalitan. Makasabot ra na sila sa inyong sitwasyon.

NOY KULAS

Alang sa imong problema, e-mail sa kulassuper@sunstar.com.ph ug rojval69@yahoo.com