SUNODSUNOD karon ang mga pasabog sa Pinoy Big Brother Otso. Pero klarong modaug ana sa Big Night ang Bisaya.
Kinsa? Si Yamyam!
Si Ashley second placer ra na. Tan-awa niya di ba moingon gyud mo nako nga nakatag-an lagi ka AC Martin. Siyempre. Hehe...
Niadtong Sabado sa Big Reveal si Ashley ang kinadak-an og text votes nga 63% kay sila ra mang upat sa ilang batch pa ang gipilian.
Pero karon nga isabong na sila sa ubang batch winners anha na makita nga mas kusog si Yamyam.
Di gyud matag-an ang suwerte sa tawo! Kay nagpa-boy ra kuno na si Yamyam sa Cebu way back 2015 kay duna ta’y suki sa atong kulom nga nakaila niya.
Mao nga di gyud ta mawad-an og paglaum mga suki ha. Laban lang!
Publicity stunt?
Kakita ko sa video ni Kris Aquino sa iyang Instagram nga nihugo ug gi-injectionan ang tangkugo ug dapit sa iyang ulo.
Tungod kuno ni sa iyang migraine. Di sad siya mahimong mo-take og bisan unsang pain reliever kay allergic siya.
Mas maayo tingaling Kris mobiya una sa showbiz aron mas matutokan niya ang iyang health ug aron sad di siya maakusahan nga publicity stunt ra ning iya.
Kinsay sayup?
Sakto ang gibuhat ni Matteo Guidicelli nga wa niya tubaga ang mga birada ni Chai Fonacier.
Puros dunay punto si Matteo ug Chai sa ilang mga nagkadaiyang baruganan sa nahitabo karon sa atong nasud ubos sa administrasyong Duterte.
Pero ang wa lang nako ganahi kadtong mga “sh*t” ug “a*shole” ni Chai kang Matteo.
Pareho gud silang Kapamilya ug pareho pa gyung Bisaya... How sad.
Bolang kristal
Unsay atong fearless forecast sa awayng “Pacquiao vs. Thurman” karong Dominggo?
Akong nakita sa bolang krystal nga close fight ni. Delikado si Manny tungod kay mas kusgan ug mas batan-on si Thurman. Pero maglisud sad si Thurman tungod sa kaidlas ni Manny.
Posibleng dunay matumba pero unanimous decision ni. Kon kinsay makahatag og saktong labok sa katapusang mga round maoy modaug.