MAG-abot sa championship game ang Memphis Grizzlies ug Minnesota Timberwolves human nila gipangbuntog ang ilang tagsatagsa ka mga kontra sa semi-finals kagahapon sa NBA Summer League sa Las Vegas, USA.
Nakapuntos pinaagi sa hansak si Brandon Clarke sa nahabiling 10.7 segundos sa overtime aron agakon ang Grizzlies sa kadaugan batok sa New Orleans Pelicans, 88-86, sa premirong semi-finals nga kombati.
Sa ilang bahin, ang Timberwolves ningmakmak sa Brooklyn Nets, 85-77, sa ikaduhang semi-finals nga sangka.
Gawas sa iyang mabayanihong hansak, gipangulohan sab ni Clarke ang Grizzlies pinaagi sa iyang 23 puntos ug 14 rebounds samtang nidugang og 13 puntos si Tyler Harvey lakip na niini ang three-point shot mha nakapugos og orvetime.
“We had some moments in the game today where we couldn’t score, things weren’t going the right way, we were trying (but) our legs were not there,” matod ni Memphis coach Taylor Jenkins.
“(Brandon) was just being super verbal with the team ... I’m really proud of how he kept the team together. Obviously the plays he makes down the stretch are very impressive.”
Si Clarke, kinsa ika-21 nga overall pick sa Oklahoma City Thunder sa miaging rookir draft apan nabalhin sa Grizzlies pinaagi sa trade, nakitaan og dakong potensyal.
“It’s pretty much getting off all that rust I kind of had on me,” matod ni Clarke. “It was tough at the start because I couldn’t really do much with the team. Every time that I play basketball I want to win. I think that we all just kind of feel that as a team. Even though this is not like a real NBA tournament versus the big NBA dudes, we also want to win.”
Sa laing duwa, ang Timberwolves gipangulohan ni Naz Reid pinaagi sa iyang 20 puuntos, niamot og 12 puntos si Jordan McLaughlin samtang niamot og 11 puntos si Mitchell Creek. (ESL)