USA ka sakyanan nabangga sa poste sa MJ Cuenco Avenue, dakbayan sa Sugbo, alas 11:30 sa gabii niadtong Dominggo, Hulyo 14.
Ang SUV nga adunay plaka nga GEC 5249, gimaniho ni Cheyenne Kate Mantuhac Pepito, 28, ug nagpuyo sa Liloan, Cebu.
Daling niresponde ang kapulisan sa Mabolo Police Station human makadawat og report kabahin sa bangga.
Matod sa imbestigasyon ni P/Staff Sgt. Jacinto A. Arnado Jr., si Pepito nagmaneho sa nahisgutang lugar padulong unta sa Mandaue City sa dihang kalit lang dunay motor nga nibutho. Iya kining gilikayan ug didto siya nabangga sa poste.
Nabali ang poste sa Veco apan wala kini makaapekto sa supply sa kuryente sa dapit. (Myla Tabio, CNU - Comm Intern)