TUNGOD sa hinayhinay na nga estrikto nga pagpatuman sa mga lagda sa trapiko sa siyudad sa Talisay, si Jonathan ‘Joy’ Tumulak, ang pangulo sa City of Talisay Traffic Operations Development Authority (CT-TODA) nga i-deputize ang nga barangay tanod sa syudad.
Diin mamahimo na unya nga maka-isyu og citation ticket ang mga barangay tanod sa 22 ka barangay, kini ilabi na sa mga interior nga dapit.
Kahinumduman nga kapin na sa 200 ang mga na-isyuhan og citation ticket sa mga sakop sa CT-TODA, nga mga motorista tungod sa wala pagsunod sa ‘No helmet, No Driving’ policy.
Si Tumulak nakigtagbo na sa mga kapitan sa tanang barangay ug nipahibawo nga iyang i deputize sa pag isyu og citation ticket sa malapason sa lagda sa trapiko.
Sa ingon ini nga pamaagi madungagan ang ilang pwersa alang sa pagdisiplina sa mga motoristang bululyagon.
Dugang ni Tumulak nga ipaubos una nila og training ang mga barangay tanod aron makat-on kini. (FMD)