Negosyante sa Tacloban gipusil, patay

TACLOBAN City - Usa ka negosyante ang gipusil, alas 6:55 sa buntag, Dominggo, Hulyo 14, 2019 ug namatay sa dihang padung nga gidala sa ospital.

Nahitabo ang krimen sa Lower Nula Tula, Maharlika Road, Barangay 74, Tacloban City.

Giila ang negosyante nga si Manuel Tan, 50, tag-iya sa ACN Hardware.

Base sa inisyal nga imbestigasyon, niabot atubangan sa hardware si Tan sakay sa Toyota Rush.

Gibusinahan ni Tan ang ilang guard aron ablihan ang gate. Sa dihang padung na kini ablihan, niabot ang tulo ka mga lalaki nga sakay sa motorsiklo.

Nitapad kini sa sakyanan ug gipamusil sa makadaghang higayon si Tan ug dayong sibat.

Dali gidala sa Eastern Visayas Regional Medical Center si Tan apan gideklarar kini nga dead-on-arrival ni Dr. Glenn Guzman.

Narekober sa crime scene ang tulo ka basiyo, duha ka buhing bala ug usa ka fired bullet sa kalibre .45 nga pistola.

Ang gwardiya nakasaksi sa maong insidente.

Padayon karon ang follow up operation ug imbestigasyon sa motibo sa krimen. (JKDP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph