SECTIONS
Saturday, August 24, 2019
SUPERBALITA CEBU

Loot di mapanalipdan sa pulis: Sinas

BISAN tuod og niduol na si kanhi Daanbantayan mayor Vicente Loot sa mga awtoridad nga siya imbestigahon sa giingong pagkalambigit niya sa drugas, dili siya matagaan og police security.

Kini matod pa ni Gen. Debold Sinas, hepe sa Police Regional Office (PRO) 7, kay dili naman mayor si Loot.

Apan gihangop ni Sinas ang pag-awhag ni Loot ngadto sa National Bureau of Investigation (NBI) nga ipaubos siya sa imbestigasyon labot sa kanunay nga paglambigit kaniya ni Presidente Rodrigo Duterte sa illegal drugs.

Nagpadala og suwat si Loot ngadto sa NBI niadtong Hulyo 13, 2019.

Matod niya, andam siya nga moatubang sa kaso kung mapamatud-an nga tinuod ang tanang pasangil batok kaniya.

Andam pud siya nga magpa-interbyu labot sa kasayuran sa iyang kinabuhi alang na sa pagpadayon sa imbestigasyon, matod ni Loot.

Sukad pa sa sinugdanan, matod sa iyang suwat ngadto sa NBI 7, inosente siya sa mga pasangil batok kaniya.

Si Loot usa ka retired general ug nag-mayor sa lungsod sa Daanbantayan, Cebu sa sulod sa usa ka termino, 2016-2019.

Gihangop ni Sinas ang lakang ni Loot sanglit katungod kini niya ug bisan kinsa pa nga ahensya sa gobiyerno nga gusto niya nga maoy molusad sa imbestigasyon.

Matod pud ni Sinas nga ang pulis dili makabantay sa siguridad ni Loot.

Dili na mayor si Loot ug wala usab kini angayan nga kahadlokan kung wala siyay dautan nga gihimo, matod ni Sinas.

“Kung wala siyay gihimong dautan nganong mahadlok man siya? Basin paranoia lang,” matod ni Sinas.

(Ang paranoia usa ka estado sa panghunahuna sa usa ka tawo kinsa walay basihanan o subrang pagduda sa mga motibo sa uban.)

Lakip sa gipadala ni Loot sa iyang suwat ang resulta sa imbestigasyon sa Criminal Investigation and Detection Group (CIDG) 7 niadtong tuig 2016 nga nagpawalay sala kaniya sa kasong kriminal ug administratiba tungod kay wala silay nakuha nga ebidensya.

Ang CIDG 7 sa ilang resolusyon niingon nga dili mahimong pasakaan og kaso si Loot, ma- administratiba o ma-kriminal man.

Kini tungod kay way igong ebidensya nga modamay ni Loot sa pagkalambigit sa ginadili nga drugas, matod sa CIDG 7 report nga gipirmahan ni P/Col.

Marlon Tayaba, hepe sa CIDG 7 niadtong higayona.

Si Loot, sa iyang suwat ngadto sa CIDG 7, mipasabot nga daghang kabtangan sama sa yuta ug dagkong kabalayan ang gipanag-iya niya ug sa iyang asawa sa siyudad ug probinsya sa Sugbo.

Naangkon kini sa magtiayon sa dihang mayor pa si Maria Luisa sa Daanbantayan.

Apan matod ni Sinas, dili makatangtang sa listahan ni Duterte ang resolusyon nga gipagawas sa CIDG-7 nga wala siyay kalambigitan sa illegal drugs.

“It is not us that will decide. Katong naa siya sa listahan did not come from PRO. Dili mi pwede mag-exonerate or mag-delist or whatever sa iyaha,” matod ni Sinas. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph