SECTIONS
Sunday, August 25, 2019
SUPERBALITA CEBU

Wala usay dakop sa Coast Guard sa Tañon Stait

DILI una manakop ang Regional Coast Watch Center (RCWC) sud sa usa ka buwan og mga managat sud sa 10.1 kilometros ngadto sa 15 kilometros nga municipal waters sa 11 ka mga lungsod ug usa ka siyudad nga naa sa Tañon Strait sugod niadtong Lunes, Hulyo 15, 2019.

Si Commodore Ronnie Gil Gavan, commander sa Coast Guard District Central Visayas ug regional director sa RCWC, nibutyag nga himuon nila kini basta dunay registration ug lisensiya ang mga nanagat.

Siya nipahibawo niini atol sa tigom nga gipatawag ni Gobernador Gwen Garcia uban ang mga opisyal ug representante sa lainlaing mga ahensiya sa gobiyerno, mga mayor, kongresista ug mga mananagat sa Capitol Social Hall niadtong Lunes, Hulyo 15.

Ang gobernador nipatawag og tigom aron masolusyonan ang mga concern sa mga mananagat ug makahimo og mga lagda base sa mga balaod alang sa pagpanalipod sa Tañon Strait Protected Seascape (TSPS).

Matod ni Gavan, ila kining gihimo aron mahatagan og panahon ang mga local government unit (LGU) nga makapanday ug makapalabang sa gikinahanglan nga ordinansa nga aprobahan usab sa Sangguniang Panlalawigan sa Sugbo, sanglit dugay ang proseso.

“After all this is not a punitive activity. We are here to help each other comply with the laws. This is about sustainable development. It needs partnership between stakeholders and the enforcers,” dugang ni Gavan.

Base sa record sa Department of Environment and Natural Resources, ang 12 ka mga LGU nga dunay sobra sa 10.1 municipal waters kay naglakip sa siyudad sa Toledo ug mga lungsod sa San Remigio, Tabuelan, Tuburan, Asturias, Balamban, Pinamungajan, Aloguinsan, Barili, Dumanjug, Alegria ug Badian sa habagatan. (SCG)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph