Carbon limpyuhon, unit 2 tiwason

GIMANDUAN ni Mayor Edgardo Labella ang Department of Engineering and Public Works (DEPW) sa paghimo og program of works and estimates aron pagtiwas sa katukoran sa Unit-2 Carbon Market.

Si Labella, City Administrator Floro Casas Jr., City Attorney Rey Gealon ug Market Administrator Junel Matugina nihimonog oculat inspection sa tulo ka andana nga merkado ngabgisugdan niadtong tuig 2013 apan wa matiwas kay wala na ipadayon ni kanhi Mayor Tomas Osmeña dihang nihulip siya niadtong tuig 2016.

Apan si Labella nagkanayon nga iyang ipatiwas ang maong edepisyo sanglit makabenepisyo niini ang gatusan kon dili man libuan ka vendors ug napulo kalibuan ka mga pumapalitay.

Ang mayor nagkanayon nga ang Carbon nagsilbe nga icon sa Cebu City hinungdan nga iyan kining paninduton ug hatagan og pagtagad.

Si Labella nakadayeg sa kadakonsa espasyon sa Unit 2 diin usa sa iyang marching order mao ang paghimo og Powe aron mapangitaan kini og pundo para sa Annual Budget para sunod tuig.

Gihawanan

Samtang, gikan sa nagtumpi nga basura ug nagkalandrakas nga parada sa sakyanan ngadto sa illegal nga estruktura, karon hawan na ang ML Quezon habig sa Unit 1 sa Carbon.

Kini guman nipahigayon og clearing operation ang Market Office, Probe Team, Department of Public Services inabagan sa mga pulis aron mahawan ang maong lugar.

Moabot ngadtonsa duha ka truck nga mga kahoy nga maoy gihikong tindahan ang gikarga sa Probe diin hapsay ug malinawon ang operasyon.

Sa mosunod nga mga semana, tiwason sa Office of the City Markets pinangulohan ni Matugina ang paghawan sa 200 ka vendor nga naa nag- okupat sa duha ka lane sa ML Quezon gikan sa Unit-2 hangtod sa Unit 1.

Si Labella nipasalig ngadto sa mga vendor atol sa iyang pagbisita kagahapon nga dili sila mawagtangan og panginabuhian sanglit hatagan sila og laing lugar diin sila mahimong makatinda. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph