BUKAS na 24 oras ang merkado sa Cogon kini human nga gitugotan sa pagpamaligya ang mga vendors diha sa dalan panahon sa kagabhion ug hangtod sa kaadlawon.
Gibutyag ni Konsehal Ian Mark Nacaya, overseer sa City Economic Enterprise Department (Ceed), nga makitang duna nay ekonomikanhong kalihokan panahon sa kagabhion sa merkado sa Cogon.
"Makita naman nimo ang merkado sa kagabin-on, so wala pay official naming or branding lugar pero naa nay night market ang ato dinhi sa Cogon," matud ni Nacaya.
Giingong sa dili pa manirado ang mga sulod sa merkado, duna nay mga magbukas diha sa gawas sa merkado.
"Ang angay nato nga makita lugar niana is ang economic activities nato is 24 hours na. Kung ikumpara nimo, moadto ka didto sa Davao, Butuan, dili man nimo mabati ang merkado 24 oras nga gaabri pero ang ato diri sa dakbayan, 24 oras na gaabri," dugang pa.
Gi-aghat usab niini ang tanan nga mobisita sa kamerkadohan gumikan kay gawas nga limpyo, humot, mas barato ug luwas kini nga bisitahan tungod kay daghan man usab nga kapulisan ang magbantay sa maong dapit.