Steel mill mipull out sa Misamis Oriental, dunay mipuli

HUMAN nga mi-pull out ang unang steel mill company, nahimong dalan kini aron laing kompanya ang mosulod sa lalawigan nga mas dako ug laing oportunidad na usab sa pangempleyo alang sa katawhan sa lalawigan nga nagkinahanglan og trabaho.

Usa ka dakong kampanya ang gitakdang magbukas diha sa Phividec Industrial Corporation sa lalawigan sa Misamis Oriental.

Kini ang gikumpirma ni Misamis Oriental Governor Bambi Emano, kinsa miingon nga gitakdang motukod ug planta ang Bowoo company sa area sa lungsod sa Tagoloan ug Villanueva Misamis Oriental nga siguradong makapangempleyo ngadto sa mga nagkinahanglan og trabaho nga Misamisnon.

"Bowoo saw the opportunity. Now, we will not have the second bet; we will have the biggest steel mill company who will be coming to Tagoloan and Villanueva and last Thursday, I was able to sign a witness sa intent to come that the agreement of Phividec and Bowoo. What they told me if everything runs smoothly. We will finish in three years," pasabot ni Emano.

Gibutyag niini nga kini human nga ang HBIS Group, kinsa China's second-biggest steelmaker nga unang nag-invest dinhi sa Misamis Oriental, ang miatras ug nagpull out.

"Ang nahitabo diay, ilang local partners wanted to bring second-hand equipment kay dunay ilang planta didto sa China. They will be hosting the Olympics. Ang nahitabo maigo ilang planta sa usa ka stadiums. Kadto diay unta nga planta maoy ibalhin sa Pilipinas and they will be using second-hand equipment nga integrated steel mill," pasabot ni Emano ug miingon nga maayo na lamang nga Filipino Chinese Partners wala misugot niini.

Malaumon kining dugang oportunidad sa pagpangempleyo ang katukoran niini tungod kay kanunay nga prayoridad sa panarbaho ang katawhan sa lalawigan sa Misamis Oriental.