DUHA ka mga gitouhang sakop sa New People’s Army (NPA) ang napatay sa tropa sa mga sundalo sa Barangay Bunawan, Agusan del Sur.
Mga alas 3:45 sa hapon, ang 75th Infantry Marauder Battalion (75IB) nagpahigayon og security operations sa lugar human gikareport nga dunay presensya sa armadong grupo ug daw gapangilkil sa dapit.
Positibo ang presensya, hinungdan sa engkwentro nga natigayon nga moabot og 15 minutos nga maoy hinungdan duha ka sakop sa walhong grupo ang nakabsan sa kinabuhi.
Walay identipikasyon ang duha ug narekober sa ilang mga posisyon ang usa ka Norinco AK 47 rifle, usa ka M16A1 rifle, usa ka caliber 45 pistol, ug hand grenade, empty magazines sa AK47 ug M16.
Duna sab backpacks ug personal items nga lakip sa nasakmit.
Matud ni Lieutenant Colonel Jaime Datuin, commanding officer sa 75IB, nga nahitabo ang engkwentro tungod sa hiniusang operasyon sa kasundalohan ug komunidad.
“Without the efforts of the residents themselves in giving us timely and accurate information, we cannot pinpoint the exact location of these terrorists. And because of that, we were able to decisively engage them, stopping them on their extortion activities to the residents, and preventing them to conduct more atrocities in my Area of Operations (AOR),” dugang niini.
Basi sa report, nasuta nga ang duha ka mga napatay sa engkwentro ang giingong sakop sa Guerella Front 14 ubos ni Alyas Jorlan nga nag-operwte sa boundary sa Agusan del Sur ug Surigao del Sur.
Gikasubo sa kampo sa mga sundalo ang kamatayon sa duha ug gihinaot ma claim kini sa ilang pamilya.