Turismo sa Gingoog City palamboun

DAKO ang pagtoo ni Gingoog City Mayor Erick Cañosa nga kung mapalambo ang turismo, dugang kaarangan o panginabuhian kini sa katawhang Gingoognon.

Matud ni Cañosa sa uwahing interbyu sa SunStar Superbalita Cagayan de Oro nga dagham tourist spot sa dakbayan nga napasagdan ug wala nahatagan og igong pagtagad.

Tungod niini, daw sa iyang bag-ong administrasyon kining turismo ang iyang unang tutokan.

"Usa sa atong tutukan karon is the development of Badiangon Spring. We are thinking of public private partnership," matud ni Cañosa.

Lakip sa iyang tutokan ang giingong rehabilitasyon sa Tikls Falls ug Dinuyhad view deck.

"We will be rehabilitating Tiklas Falls, Dinuyhad view deck, then we will explore Bantaawan-Cevoleg and Lindangan, mga nindot kaayo nga lugar so maybe, it can attract tourist and generate income?" matud niini.

Dugang ni Cañosa nga padayunon sab niya ang nasugdan nga Oolong Tea nga garbo sa Gingoog human nag-inusara lang kini nga plantasyon dinhi sa nasod sa Pilipinas.

"Yes, garbo ta kana sa dakbayan sa Gingoog. It is located at Kalagonoy. Since it will generate income, we support that makatabang na og dako sa atong mga igsuon. We will help it develop... funds if needed," dugang ni Cañosa.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph