SUPERBALITA CAGAYAN DE ORO

Kapitan: Kyogojo 'bakakon'



GITAWAG nga mga bakakon sa tsirman sa Barangay Lumbia ang Kyogojo Engineering Service Cooperative (KESC) ug giingong gigatasan niini ang Barangay atol sa panagtagbo niadtong Hulyo 12.

Nasayran nga nagpatawag og panagtigom ang komitiba sa public utilities ni Konsehal Teodulfo Bong Lao Jr.

"Bakakon man sila ang Kyogojo. Ingon sila na nagsulat sila sa ako, nagduol sila, gusto sila mo attend og session, wala paglingkod ko July 1st. Sityembre na na sila niduol sa ako," matud ni Alexander Torralba.

Giingong susama nga gigatasan lang niini ang lokal nga kagamhanan ilabi na ang Barangay Lumbia.

"Asa man sila kakuha'g authority to bring the name of Lumbia water syste? Nagnegosyo ang Kyogojo nga walay mga capital. Mga butang sa gobyerno maoy ilang gihimo. Gihimong gigatasan ang barangay," dugang niini.

Gidugang pa niini nga angayang mohawa nalang ang Koyogojo ilabi na nga nagpataas kini og bayrunon sa tubig gumikan kay giingong naalkansi na kini ug andam ang barangay nga modala sa panubig sa maong dapit.

Gipasabot usab niini nga ang City Council nagpagawas of resolusyon sa pagtugot sa barangay nga magdumala og water system ug dili ang kanhi kapitan ug mosulod og memorandum of agreement (MOA) tali sa Kyogojo.

Nasayran nga nagprotesta ang mga residente niadtong Hunyo 24 human buot sa KESC nga magpataas og P300 matag 10 cubic gikan sa P168 per cubic meter kaniadto matag gamit sa tubig.

Na-defer usab ang maong panagtagbo ug gitakdang makigtagbo pagbalik kauban na ang kanhi kapitan nga si Wilhelm Valencia aron mahatagan og katin-awan ang tanan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph