MOKABAT sa 17 ka mga contractor sa nasod sa Pilipinas ang gi-blacklist sa buhatan sa Department of Public Works and Highways (DPWH).
Kini ang gikumpirma ni DPWH Secretary Mark Villar atol sa iyang pagbisita sa Misamis Oriental sa niaging semana atol sa inagurasyon sa flood control project.
Matud ni Villar nga sukad sa iyang pagpamuno, moabot na sa 17 ang ilang gi-blacklist tungod sa kalangan sa trabaho ug nagtinapulan.
Gani, butyag niini nga kung dunay nahibaloan nga nagdugay-dugay sa trabaho, ireport mismo kaniya.
"Since we started, mga 17 na contractor na ang naba-blacklist. Naghahanap pa kami so kung meron mang mga contractor at kung may mga information rin po kayo, iinform sa akin at aaksyunan namin kaagad. Wala na kamimg tolerance. Actually, ito na po ang pinakamaraming na ba-blacklist, so tuloy-tuloy naman po at kami naman importante sa amin kailangan talaga matapos na ang projects," butyag niini.
Sa maong gidaghanom, aduna nay kontractor nalakip niini gikan sa pulo sa Mindanao.
Gitubag sab niini ang pangutana nganong wala matapos ang mga contruction sa dalan sa siyudad sa Cagayan de Oro ug posible ba nga tungod sa kawalay budget.
"Depende po baka nadelay lang dahil delay po ang budget, baka nadelay lang siya pero lahat kung may budget yan, tatapusin namin iyan," pasabot niini ug mipasalig nga daghang proyekto pa ang moabot sa pulo sa Mindanao lakip sa Misamis Oriental.
"They can expect more project under the Build, Build, Build program hindi lang flood control, expressway, road widening, decongestion at naghahanap din kami ng solusyon ng traffic," matud ni Villar.