SECTIONS
Sunday, August 25, 2019
SUPERBALITA CEBU

CCPO motutok sa online trafficking

CEBU.Ang bag-ong Cebu City Police Office Director Gemma Vinluan. (SunStar File Photo / Arni Aclao)

ONLINE child sexual exploitation sa Sugbo patutukan sa hepe sa Cebu City Police Office human masuta nga aduna pay mga bata nga gi biktima sa ilang kaugalingong kabanay ug gi lawog sa mga langyawng turista.

Usa ang Sugbo sa labing gibisita sa mga langyaw nga turista aron mosuroy sa tourists spots diin taas usab ang posibilidad nga adunay problema sa human trafficking.

Sa survey sa usa ka travel and leisure website nabutang sa ika-pitong dapit ang Sugbo sunod sa Palawan nga naa sa ikaduha samtang ang Boracay naa sa ika-siyam nga labing dugokunon sa mga bisita gikan sa mga nasud sa Asia.

Matod ni Police Colonel Gemma Vinluan nga adunay mga langyaw nga ganahan sa mga batang babaye sa Sugbo nga gusto nila nga gamiton bugti sa bayad diin ang ila mismong ginikanan ang nag bugaw kanila.

Tungod kay gikan sa Women and Children Protection Center si Colonel Vinluan na-alarma siya niini sanglit gihimong destinasyon ang nasud sa sex tourism.

Sa iyang pamunoan sa CCPO magbutang siya og help desks sa mga tunghaan aron maoy duolan sa mga bata nga nabiktima sa pagpangabuso sa ilang mga ginikanan aron dakpon kini sa labing dali nga panahon.

“Di ko pa nakita ang buong figure di ko hawak ngayon pero alarming kasi ang crime na ito ay hindi nakikita ng karamihan nasa loob lang ng bahay. So, ang bata kung hindi mag susumbong habang buhay syang ii-exploit ng mga magulang,” matod pa ni Vinluan.

Sa mosunod mga semana mangabot sa siyudad sa Sugbo ang usa ka grupo nga gipaluyohan sa Australian government diin ang ilang target mao ang pagrescue sa mga bata nga gibaligya sa mga bugaw alang sa lawasnon nga kalipay sa mga langyaw.

Ang kasagaran nga mga nationality nga maoy mogamit sa mga menor de edad nga mga bata mao ang American, Germany, Danish ug mga European nga gusto og bata.

Panawagan sa opisyal ngadto sa mga biktima nga mo report sa kapulisan aron masulosyonan ang problema sa sexual exploitation. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph