SI CHINO Sy Tancontian sa Davao City mikarate og bronse nga medalya sa junior -81 kilograms division sa International Judo Federation (IJF)-sanctioned Asian Cup Cadets and Junior Championships 2019 sa Tin Shui Wai Sports Ground sa Hong Kong, Dominggo.
Si Tancontian, 18-anyos nga Sports Science college freshman student sa University of Santo Tomas, mipildi ni Do U Kim sa South Korea via arm lock o juji gatame.
Apan ang Dabawenyo napildi sa laing Korean judoka, Hwanhui Lee via two wazari by sionage sa iyang ikaduha nga duwa.
Sa bugno sa bronse, ang six-footer nga si Tancontian mipildi ni Taehyeon Kim sa South Korea sa 10 seconds pinaagi sa uchi-mata o inner thigh throw.
Si Lee, miangkon sa bulawan.
“Fulfilling po sobra hehehe kasi po nakasabayan ko at nakapanalo po kahit papano ng medal against one of the top junior players around the world po. It wasn’t just Asia po may New Zealand rin po, USA, Fiji Island and Guam,” niya sa Facebook interview tali SunStar Davao.
Suma niya daghan sab siya og nakat-unan sa pakigbugno sa mga Koreano.
“Iba’t-iba po playing style nila po eh pero yung second na nakalaro ko po, may na gain po ako kasi po nachecheck ko po yung kung ano mga kulang ko like the stance, technique at approach po.”
Una ang kompetisyon, si Tancontian ug ubang partisipante miapil sa three-day international training camp.
Niya pa ang pakig-ispar niya sa nagkadaiyang magduduwa atol sa camp nakatabang nga mapalambo ang iyang istilo.
Sa pikas bahin, naghuwat siya sa sunod nga training schedule sa Pilipinas sambo national team.
Midaug siya og gold medal in the 2nd Southeast Asia Sambo Championships sa Aston Tropicana, Kota Bandung, Indonesia sa nakalabay nga bulan.