SA IYANG adbokasiya labot anti-bullying, pag-abuso sa kabataan ug kababaihan, mas nadasig ang Dabawenyang si Julie-Anne A. Arroyo nga dawaton ang tahas nga mahimong representante sa Pilipinas alang sa Mrs. International - World nga himuon sa Melaka, Malaysia karong Hulyo 22 ngadto 28 ning tuig.
“When Tatta Saguin (Franchise holder and National Director for Philippines - Mrs. International World) asked me if I can be the representative of the country for the international competition, at first I was hesitant because I have so many commitments and work to do,” suma niya sa Facebook chat sa Superbalita Davao.
Si Arroyo, usa ka solo parent sa duha ka cute bagets, ug usa ka dentist ang propesyon.
“But after thinking about it, I told myself , “If i could use this platform to promote my advocacies and educate my country and the rest of the world and I can share my knowledge and skills to improve their lives then why not give a try?” dugang niya.
Kinsa si Julie-Ann
Nahimugso niadtong Nobyembre 9, 1987 sa Davao City, suma ni Arroyo nga nagdako siyang walay amahan ug wala kaayo makauban ang inahan.
Niya, ang iyang lola ang nag-atiman kaniya ug nakaila pag-ayo kung kinsa siya.
Saysay ni Arroyo nga tres anyos siya dihang gibilin siya sa iyang inahan sa iyang lola tungod motrabaho kini sa Abu Dhabi.
Sa paglabay sa panahon, pag-abot sa kolehiyo mikuha siya og Philosophy, apan nag-shift sa Dentistry.
Pila ka bulan una siya mo-gradwar, naburos siya ug gihimugso ang anak nga si Aliannah.
“This was a very trying time for me, for I was struggling to finish my studies and graduate as well.”
Luyo sa kakulian ug mga hagit, wa kini makapugong kaniya sa pag-angkon sa iyang damgo nga mahimong dentista.
Uban sa suporta sa iyang lola, natapos niya ang kursong Doctor of Dental Medicine sa Mindanao Medical School Foundation.
Luyo sa iyang trabaho, aktibo ang adopted T’boli Dabaweña sa civic works, diin miyembro siya sa Junior Chambers International (JCI) Kadayawan chapter.
Kini usa ka all female organization nga may lig-ong adbokasiya sa pag-empower sa kababaihan.
Mrs. International Global (MIG)
Ang MIG mopili sa “Most Brave and Beautiful Woman” sa kalibutan.
Nag-unang tumong sa MIG ang “Be Brave and Stop Bully.”
Anaa sa 40 ka representante gikan sa ubang bahin sa kalibutan ang magtigi sa pageant.