PAGPA color coding sa mga motorsiklo nga habal-habal sa lungsod sa Minglanilla tinguha sa bag-ong hepe sa Minglanilla Police station, Police Captain June Tabigo-on.
Kini aron pagsumpo sa mga kreminalidad nga hinimoan sa mga nagmotorsiklo.
Si Tabigo-on nakigtagbo na sa mga habal-habal driver sayo ning semanaha aron pagpaila ug paghangyo nga motabang sa kampanya sa kapulisan.
Matod sa bag-ong hepe nga dako nga tabang ang mga habal-habal driver sa pagpabilin sa kahapsay ug kalinaw kay anaa sila kanunay nagbadhas sa bisan asa nga dapit sa lungsod.Mas nakaila na sila sa kadudahan nga mga tawo. (FMD)