SECTIONS
Sunday, August 25, 2019
SUPERBALITA CEBU

Mga biyahe sa barko gipangkanselar

WA MOBIYAHE: Labing minos 30 ka mga barko nga nagdunggo sa mga pantalan sa Dakbayan sa Sugbo wa mobiyahe tungod sa kadagku sa mga bawod niadtong Martes, Hulyo 16. (Amper Campaña)

BISAN og way giisyu nga gale warning ang Philippine Atmospheric Geophysical Astronomical Services Administration (Pagasa) sa Central Visayas, dunay labing minos 30 ka barko nga wa mobiyahe hangtod sa hapon sa Martes, Hulyo 16, tungod sa kakusog ug kadagko sa mga bawod.

Pipila ka mga kapitan sa barko ang nidesider nga di na mobiyahe tungod sa hapak sa bawod dala sa hanging habagat.

Sa datus sa Coast Guard Central Visayas sukad alas 6 sa buntag kagahapon hangtod alas 3 sa hapon, niabot na sa 32 ka biyahe ang kanselado ug 501 na ka mga pasahero ang stranded.

Lakip sa mga sakyanan sa dagat nga wala na mobiyahe kining mga motorbanca ug mga fastcraft o gagmay nga barko.

Adunay mga barko nga padulong sa Bohol ang mikancellar na sa ilang mga biyahe.

Kini gilangkoban sa OceanJet, Lite Shipping, Meme Lines, Starcraft ug Mbca Clemer 1.

Duna say mingkanselar sa ilang mga biyahe sa Leyte.

Kini naglakip sa M/V Gloria, MV Beautiful Star, MV Rosalia 3 UG M/V LapuLapu Ferry 8, Supercat, St. Braquil, St. Camael ug Oceanjet. Duha usab ka barko nga padulong sa Samar ang mikanselar na sa byahe.

Mga barko padung sa isla sa Camotes wa na usab mobiyahe

Wa usab molawig ang mga barko padung sa Dumaguete City, Cadiz City ug Estancia sa Negros Occidental.

Wa usab mobiyahe ang padung sa Masbate. (HBL, Myla Tabio ug Mary Cathleen Sumayang - CNU Comm Interns)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph