MGA tinun-an makapahimus na karon sa 20 porsyentong diskwento sa tanang pampublikong mga transportasyon human si Presidente Rodrigo Duterte mingpirma sa balaud nga nag-establisar og mekanismo sa “mandatory grant of a student fare discount privilege.”
Ang Republic Act (RA) 11314 kun Student Fare Discount gipirmahan ni Duterte niadtong Abril 17, apan ang kopya gipagawas sa Palasyo sa Martes na, Hulyo 16,
Sa pagkakaron, ang mga tinun-an makapahimus lang sa 20 porsyentong pletihan sa mga land transportation.
Apan sa bag-ong balaud, ang mga tinun-an makapahimus na sa 20 porsyentong pletihan sa tanang public transportation sama sa mga bus, jeepney, traysikol, trains, eroplano ug barko ug uban pa basta makapresentar sila og identification cars o validated nga enrollment form. (SunStar Philippines)