SUPERBALITA CAGAYAN DE ORO

Nangilkil sa mayor og P1.5M grupo sa sindikato

CAGAYAN DE ORO. Ang pito ka mga dinakpan (2 ka mga babae ug 5 ka lalaki) Criminal Investigation and Detection Group (CIDG) nga nisulay pagpangilkil kang Mayor Oscar Moreno. (Kris C. Sialana)

GIBUTYAG sa tinugyanan sa Criminal Investigation and Detection Group (CIDG) nga sakop sa sindikato ang grupo nga nasikop niadtong Hulyo 11 human nisulay pagpangilad kang Mayor Oscar Moreno.

Gipasakaan na og kasong robbery extortion ang mga suspek nga sila si Ryan Mabborang, 30, minyo, taga Poblacion, North Cotabato ug kanhi miyembro sa Armed Forces of the Philippines (AFP) ug giingong lider kinsa nagpailang si Col Ferdinand Sifuentes samtang laing mga kauban nga sila si Mark Adrian Tan, 36, taga Rizal Avenue, Kabacan, North Cotabato; Wilma Pangandigan, 43, minyo ug empleyado sa local government unit (LGU) sa Datu Saudi Ampatuan, Maguindanao ug residente sa Datu Piang, Maguindanao; Thong Pangandigan, 43, minyo nga taga Datu Piang, Maguindanao, Mohaimen Ulimpaen, 24, taga Datu Saudi Ampatuan, Maguindanao; Sadam Taliba, 26, minyo, drayber ug residente sa Datu Saudi Ampatuan, Maguindanao ug Donna Bansil, 27, minyo ug empleyado sa LGU sa susamang dapit lakip na usab ang laing duha nga gipanganlan nila Mabborang atol sa press conference.

Unang nangayo og P1.5 milyones ang mga suspek bugti sa kagawasan sa anak sa mayor nga si Sean kinsa nasikop niadtong Hulyo 11 sa Kaulohan may kalambigitan sa ginadiling druga.

Gibutyag ni Police Lieutenant Colonel Raymund Liguden, officer in charge CIDG RFU-Northern Mindanao, nga sakop kini sa giingong Pat Vil crime group kinsa giingong anaa sa Parang, Maguindanao.

“Nalaman po namin na they are a member of a crime group, sabi namin a newly identified crime group na tinatawag na Pat Vil, according to them na they are under by a certain Pat Villacorte,” matud ni Liguden.

Gidugang pa niini nga posibleng dili lamang kini sa Mindanao ang operasiyon niining mga sindikato apan sa laing parte sa tibuok nasud ilabi na nga nakabiktima na kini og mayor sa Autonomous Region in Muslim Mindanao (Armm).

“We believe they are operating in whole island of Mindanao and perhaps in other parts of the country, kasi we came to know also from them na meron silang nahingan na isang mayor dito na hindi na namin babanggitin kung sino yun ng P500,000 cash,” dugang pa.

Nasayran nga unang nasikop ang lima ka mga suspek sa Barangay Lapasan ning siyudad kinsa maoy nakigtagbo og si Pangandigan ang nidawat sa maong budol nga kwarta nga P1.5 milyones nga sakay sa van samtang si Mabborang ang sakay usab sa Toyota Vios ug nisibat gyud dayon human nakuha ang kwarta apan swerteng nasikop sa Sumilao, Bukidnon mga alas 11:30 sa gabii diha sa checkpoint.

Gi-angkon usab ni Mabborang nga lakip kini sa maong grupo ug gani giingong walay kalabotan niini ang laing unom nga nasikop.

“Ang grupo ng sindikato na ito ay hindi po kasama yung anim na mga kasama ko ngayon, ang katotohanan ay ako lang ang may kinalaman sa modus na ito,” matud ni Mabborang.

Gidugang pa nga nakuha niini ang numero ni Moreno sa duha ka gipanganlang laing kauban nga lakip sa gipasakaan og kaso.

Nisulay pa sa pagpadayag si Mabborang kalabot na sa gipangayoan niini og tabang ang duha ka mga ginganlan niini ilabi na nga giingong biktima kini sa Kabus Padatuon (Kapa) nga giingon nga usa ka investment scam apan giputol kini ni Moreno ilabi na nga dili katoohan ang gipahayag niini tungod na usab kay una na kining nangilad.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph