GIKONSIDERANG “global gateway to Mindanao” ug labing dako nga seaport passenger terminal building ang opisyal nga giinagurahan niadtong adlaw’ng Lunes, Hulyo 15, sa Cagayan de Oro Port, Macabalan, dakbayan sa Cagayan de Oro.
Ang pasilidad adunay 5,625 square meter ang kadak-on nga moakomodar sa mokabat 3,000 ka mga pasahero. Pinakadaghan kini kon itandi sa uban seaports sa laing laing dapit sa nasod nga mokater lamang og 1,000 ka pasayro.
Mas mitriple ang gidaghanon niini kon itandi sa niaging passenger terminal sa dapit. Gawas sa limpyo nga mga pansayan, luag nga passenger area, aduna sab kini libreng wifi, adunay lactation room, kan-anan ug uban pa.
Kung mosulod sab ka sa terminal, dili na kinahanglan kapkapan tungod kay adunay body scanner. Hugot sab ang seguridad sa mga pasahero ang gipatuman sulod sa terminal.
“Kung ang ginagawa noon kapkap dito, kapkap doon dito ho pag dumaan ka body scan wala ng kapkapan pagkat maakikFoto na ng computer. Baka ano pa ho ang mangyari pagmagkapkap, ngayon computerized ganyan ho kaganda ang terminal na ito at ito ay regalo ng ating pangulo sa Cagayan de Oro,” tipik sa speech ni Tugade.
Dugang niini nga ubay-ubay na ka mga passenger terminal sa seaports ang iyang giinagurahan.
“For the information of everybody I inaugurated 9 terminals during our terms, the truth is this is the biggest passenger terminal in the Republic of the Philippines capacity is 3,000 passengers. Ito hong terminal na ito ay magbibigay tibay sa kagustuhan ng ating pangulo na magkaroon ng mobility at connectivity sa Luzon Visayas at Mindanao this is the central point of Visayas and Mindanao with this terminal then you can have emerging of various residence all over at this place, magkakaron ng convergence at magkakaroon ng productivity,” matud ni Tugade.
Aduna sab pahimangno si Tugade sa personahe sa Philippine Ports Authority (PPA) nga likayan ang korapsyon nga maoy hangyo sa presidente.
“Kung mayroon tayong gusali made of stones and granite, kailangan ‘yung character ninyo mas matibay kaysa sa gusaling ini-inaugurate natin. Kung gusto niyo ang pag-uugali ng isang kawani ay mas matibay pa sa bato na ating itinatayo dito, tayong lahat sa gobyerno, kailangan panindigan ang hinihingi ng ating Presidente, walang korapsyon,” matud niini.
Laing mga opisyal nga anaa sa kalihokan mao sila si Misamis Oriental Governor Bambi Emano, kanhi Congressman Maximo Rodriguez, Cagayan de Oro City Mayor Oscar Moreno, DOTr Undersecretary for Finance Garry De Guzman, Undersecretary for Aviation and Airports Manuel Antonio Tamayo, Undersecretary for Maritime Fernando Juan Perez, Undersecretary for Road Transport and Infrastructure Mark de Leon, Land Transportation Franchising and Regulatory Board (LTFRB) Chairman Martin Delgra III, LTFRB Board Member Antonio Gardiola Jr. ug uban pa nga mga opisyal sa gobyerno.