SUPERBALITA CAGAYAN DE ORO

Tugade naka ‘wow’ sa mga modernong sakyanan



IMPRES si Department of Transportation (DOTr) Secretary Atty. Arthur Tugade sa mga modernong sakyanan sa Cagayan de Oro ug Misamis Oriental kini dihang iyang nakita atol sa paglusad sa Public Utility Vehicle (PUV) Modernization Program kauban ang Land Transportation Franchising and Regulatory Board (LTFRB).

Ang PUV Modernization Program usa sa programa ug inisyatiba sa administrasyon ni Presidente Rodrigo Duterte aron nga ang mga sakyanan, luwas, limpyo ug environment-friendly ug luwas nga mahatod sa padulngan ang mga pasahero.

Gawas niini gilantaw sab niini nga programa nga tanan mga driver ug operators adunay stable, supisyente nga panginabuhian.

Ang programa pormal nga gipahigayon sa SM City Cagayan de Oro.

“I was so impressed of what I saw. I saw for the first time a transport system bus, double decker air con that will commute from Cagayan de Oro to Bukidnon. Wala pa hong maski sa Metro Manila na ganyang double decker na ganyan kalayo na may aircon, wifi and all the amenities,” matud ni Tugade ug gisaludohan ang mga operator lakip na ang mga sakyanan nga moketer og mga turista.

“Then I saw the presence of the various cooperatives drivers showing and shouting in unison na nagsasabi na kasama niyo po kami sa programang ito. Nakita ko ho sa CdeO pagod man masaya pagkat ang alam ko lahat sa CdeO nakiisa, ipaparating ko po sa Pangulo na solid at nakikiisa kayo sa amin sa modernisasyon sa public utility vehicle,” malipayon nga pahayag niini.

Giklaro sab niini nga dako og kabag-ohan kung moderno nga sakyanan ang sakyan.

Sa moderno nga sakyanan dili lang luwas ug komportable lakip ang kinaiyahan dili madaut.

Sa iyang bahin ni LTFRB Chairman Martin Delgra III iyang gibutyag nga makasiguro sila nga ang uban apektado nga driver ang hatagan og assistance sama sa skills training ug benipisyo.

“As we always say sa Department of Transportation, kani sya nga programa, inclusive. Meaning, katong mga maapektuhan nga mga driver, patagaan nato og assistance,” pasabot niini.

Atol sa paglusad sa modernization program anaa si CdeO Mayor Oscar Moreno nga maoy naghatag sa iyang welcome address samtang si Misamis Oriental Governor Yevgeny Emano nihatag sab og mubo nga mensahe pagpaabot nga siya nakigtambayayong niining modernisasyon nga programa hilabina nga usa sa iyang programa mao ang pagpalambo sa turismo sa lalawigan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph