SUPERBALITA CEBU

PWD gibanlas sa bawod, naluwas

CEBU. Si Ronnie Ponce (nagsul-ob ug puwa), usa ka paralisadong lalaki ang naluwas gikan sa hapit nga pagkalumos sa dagat human siya gilukot-lukot na unta sa dagkong bawod diha sa Larawan Beach sa Barangay Poblacion, siyudad sa Talisay, niadtong Martes sa hapon, Hulyo 16, 2019. Si Ponce, hingkod ang panuigon, taga Barangay Ermita, sa dakbayan sa Sugbo, giingon nadala sa kusog nga bawod. (Tampo hulagway gikan sa Barangay Poblacion, siyudad sa Talisay)

USA ka paralisadong lalaki ang naluwas gikan sa hapit nga pagkalumos sa dagat, human siya gilukotlukot na unta sa dagkong bawod sa Larawan Beach sa Barangay Poblacion, syudad sa Talisay, Martes sa hapon, Hulyo 16.

Nailhan kini pinaagi sa nakuha nga identification card, diha sa iyang short nga mao si Ronnie Ponce, hingkod ang panuigon, taga Barangay Ermita, sa dakbayan sa Sugbo.

Matud sa mga nakakita nga naghumol humol lang kini sa iyang lawas ang biktima sa daplin sa dagat, apan tungod sa kakusog sa bawod gilamoy kini og nadala.

Maayo nga daling nakatabang ang pipila ka mga tawo nga anaa ra usab sa duol sa baybayon ug dali nga nakapangayo og pakitabang sa Talisay Rescue Emergency Team (TREAT).

Gidala sa Talisay District Hospital ang biktima alang sa insaktong pagpaalim niin.

Apan gikahibulong sa mga opisyal sa barangay sama nalang ni konsehal Jefferson Seguerra kon nganung’ naabot ang biktima sa maong lugar nga siya rang usa.

Usa kini sa gipahinumdom sa mga sakop sa Talisay City Disaster Risk Reduction and Management Office, nga dili gyud mokompyansa karong panahuna sa pagkaligo sa dagat, tungod sa dagkong balud ug kusog nga paghangin.

Gitug-an ni Alvin Santillana ang TCDRRM officer, nga nihimo na sila og pagbisita sa mga barangay, pagpahinumdom sa mga kadaut nga dala diha sa pagkusog sa ulan ug hangin nga posibleng’ moresulta og storm surge diha sa kabaybayunan.

Adunay pito ka coastal barangay ang syudad, ang Tangke, San Roque, Cansojong, Poblacion, Dumlog, Pooc ug Biasong.

Giangkon ni Santillana nga moabot gyud sa 300 ka pamilyahan ang ipa-ibakwit kon adunay pagkusog gyud sa balud nga posibleng makahatag og hulga sa kinabuhi sa mga anaa nanimuyo sa baybayon.

Ug bisan kon mogawasay na ang Tropical Depression Falcon sa nasud, matud ni Santillana, nga ning mga bulana nga ting-uwan, dili angay mokompyansa ang tanan.

Niiduaw sila sa mga bahaanong barangay sama sa Tabunok, Lagtang, San Isidro, Lawaan 2, ug barangay Biasong.

Ang barangay Manipis maoy kasagaran nga modahili oan yuta ug naa pay mga rock fall.

Samtang mga reflectorized sticker ang ilang gipangpatapot, uban sa mga taga Talisay City Fire Station sa mga balay nga adunay mga differently-abled person.

Gipasabot ni Santillana, kini aron kon adunay kalamidad, sila ang madali sa pag-rescue. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph