SA IYANG paghiabot sa Las Vegas sa miaging adlaw, gilab-as og balik ni American Keith Thurman ang iyang bahad nga paretiruhon si Filipino boxing icon Manny Pacquiao sa ilang panagharong karong Hulyo 21 (RP time) sa MGM Grand Garden.
Si Thurman, kinsa adunay 29-0, 22KOs nga rekord, nagkanayon nga wala na’y ikabuga batok kaniya ang 40 anyos nga si Pacquiao.
“You are not gonna want to miss this fight, especially because it’s about to be this man’s last fight,” matod ni Thurman nga napatik sa www.abs-cbnnews.com.
“My prediction is I’m going for the knockout. I wanna hit him big, I wanna hit him hard.”
Si Pacquiao, kinsa niabot na sab sa Las Vegas, wala mopatol sa mga pasiatab ni Thurman ug igo lang kining miingon nga maghuwat na lang siya sa adlaw nga mag-krus na ang ilang dalan ibabaw sa ring.
“I consider this fight one of the most important of my career because I am 40 I want to prove something. My opponent is very good at talking but we’ll see what happens in the ring,” matod sa Pambansang Kamao ng Pilipinas.
“Boxing is a science. You have to study. Not only when you have a scheduled fight, but you have to always be studying boxing. That’s allowed me to have the career that I have.”
Gipasabot ni Pacquiao nga ning awaya, iyang pamatud-an nga aduna pa siya’y ikabuga taliwala sa iyang pangidaron.
“It would mean a lot to be 40-years-old and beat someone undefeated. It shows that I can still fight against the best,” dugang sa bugtong 8-division world champion, kinsa adunay 61-7-2, 39KOs nga rekord.
Si Thurman, kinsa modepensa sa iyang World Boxing Association (WBA) welterweight “super” title, mipasabot nga iyang pahimuslan ang iyang bintaha sa gidak-o ug gitas-on.
Hinuon giangkon ni Thurman nga dili mabangbang ang kapaspas sa mga kinumo ni Pacquiao apan masaligon siyang dili kini makatay-og kaniya.
“He’s a smaller guy. Can he really take the power?” pangutana ni Thurman. “If he can take the power, then we’re gonna do what we’ve always done. Stick, move, and show him that he can’t touch me when I’m in my groove.”
Sa ilang paghiabot, tataw nga mas daghan ang miabiba kang Pacquiao kumpara sa 30 anyos nga Thurman.
Alang kang Thurman nga kon molampos siya sa pagparetiro kang Pacquiao, hayan makuha na niya ang respeto sa mga sumosunod sa boksing sa tibuok kalibutan.
“Right now, we’re living out one of the most positive moments in my professional career,” matod ni Thurman. “I’m a champion. I’m undefeated. And Keith ‘One Time” Thurman belongs at the top of the welterweight division. Yesterday, today and forever.” (ESL)