SUPERBALITA DAVAO

RP Gilas pool ginganlan na

GIBUTYAG ni national coach Yeng Guiao ang 19 ka mga magduduwa nga nahilakip sa training pool sa Gilas Pilipinas, nga kasamtangang hugot nga nagbansay-bansay alang sa kampanya niini sa FIBA Basketball World Cup nga sugdan karong Agusto 31 sa China.

Wala pa man tuod kaseguroan nga matugtan sa FIBA nga makaduwa ang National Basketball Association (NBA star nga si Fil-Am Jordan Clarkson apan gilakip na kining daan ni Guiao sa national training pool nga maoy nagsilbing basihan sa pagpili sa final 12.

“Nilagay na namin doon sa pool si Jordan Clarkson,” matod ni Guiao sa interbyu sa Spin.ph.

“Were still hoping that a miracle happens. But at the same time, its also a back-up plan, knock on wood, and I hope nothing happens and no harm comes to Andray (Blatche) but at least we have options on the naturalized players.”

Nagkanayon si Guiao nga ang Samahang Basketbol ng Pilipinas (SBP) padayon pang nakigsabot sa kampo ni Clarkson, kinsa usa sa mga sinaligan sa Cleveland Cavaliers.

Ang SBP naghuwat pa sab sa opisyal nga desisyon sa FIBA kabahin sa ilang hangyo nga tugtan si Clarkson nga makaduwa sa Gilas isip usa ka lokal nga magduduwa.

“We’re still not giving up on the effort to play him as a local. But kung hindi naman, back-up siya ni Andray as naturalized,” pasabot ni Guiao.

“Pero hindi natin alam. Baka may milagro. Milagro na nga lang.”

Gitataw ni Guiao nga bisa’g wala’y kaseguroan, kinahanglan niyang ilakip si Clarkson sa iyang inisyal nga lineup nga isumiter ngadto sa FIBA.

“Hindi mo puwedeng hatakin kahit sino kung wala doon sa pool. So the prudent thing to do is put him in the pool para sigurado,” pasasabot ni Guiao.

“Hindi ko alam ano yung maximum number pero [ang] Serbia 30 yung sinubmit nila. Yung Italy 18 din. So you can submit a pool and then the day before you can name 12.”

Gawas ni Clarkson, naa sab sa listahan ni Guiao sila si naturalized player Andray Blacthe, JuneMar Fajardo, ang nibalik nga si Kiefer Ravena ug ang top picks sa Philippine Basketball Association (PBA) 2019 rookie draft nga sila si CJ Perez ug Robert Bolick.

Nagkompleto sa training pool mao sila si Japeth Aguilar, Raymond Almazan, Mark Barroca, Beau Belga, Poy Erram, Marcio Lassiter, Paul Lee, Gabe Norwood, Roger Pogoy, Stanley Pringle, Troy Rosario, Christian Standhardinger ug Matthew Wright.

Sa World Cup, kauban sa Gilas sa group stage mao ang powerhouse Serbia, Angola ug Italy.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph