SI NATIONAL Prisaa Games (NPG) 2019 double gold medalist Arlan Arbois, Jr. nanguna sa men’s 10K event sa Dagyaw 2019 nga gihimo pagawas ug pabalik sa Rizal Park sa Davao City.
Ang 22-anyos nga Arbois, fourth year college student of Rizal Memorial Colleges (RMC) mioras og 32 minutos ug 22 segundos, naguba ang iyang NPG 2019 record nga 33:44.
Si Arbois, nga nagrepresenta sa MC Trackster Davao Elite, mipildi nila Jeorge Andrade sa Davao Elite Runner-Digos City ug Elmer Bartolo sa TDS Davao Elite Runner nga mihuman sa ikaduha ug ikatulong pwesto.
Si Andrade mioras og 32:26 samtang si Bartolo mirehistro og 34:07.
“Nag-expect ko nga makasulod ko sa top 3 Ma’am pero wala ko nag-expect na ako ang mag first,” niya sa SunStar Davao via Facebook, dugang sa pagsulting mapasalamaton siya nga nabuak niya ang kaugalingong rekord.
Makiglumba siya sunod sa Go Green Revo, Hulyo 28.
Sa women’s 10K, midaug si Mildred Velez sa Davao City (48:44), kontra Jackilou Dorupan (52:32) ug Gulve Queniza sa Carmen, Davao del Norte (52:54).
Ang men’s 5K title naadto lang Fritz Lantaco (15:48) sa UM Davao Spartan samtang si Agustin Ychon (16:21) sa Spectrum Runners nabutang sa ikaduha ug Marvin Ponce (17:17) sa UM Davao Spartan sa ikatulo.
Sa distaff side, si Clebel Guinayan sa Malaybalay Runners miguwang kampeyon, human mitapos sa 20:20 nga oras kontra nila Crislyn Grace Wenceslao (21:32) ugAngeline Reponte (23:25) sa UM Davao.
Samtang si Christopher Dave Gonzaga ug Davao Striders’ Arlieny Onso miangkon sa male and female 3K titles.
Ang zumba champions mao sila Mario Asumbrado (winning category), Anna Aquino (non-winning, 18-50 years old) ug Gigi Elesterio (non-winning, 51-above).