SECTIONS
Monday, August 19, 2019
SUPERBALITA DAVAO

Delos Reyes: Pinas magpabilin nga gubot

Yanong Pagsabot



ATO nang nahisgutan sa milabay nga mga panahon ang kahusay ug kalinaw sa nasud ubos sa pagdumala ni Presidente Rodrigo Duterte.

Dakong handom ni Presidente Digong nga magmalinawon ang tibuok nasud sama sa dakbayan sa Davao apan sa kalapad sa nasud dili maato ang paghipos sa mga dautan.

Ang mga grupo nga mitabang pagduso kaniya padulong sa Malacanang karon kaanib na sa puwersa nga gustong molangkat kaniya sa iyang lingkuranan.

Ang dagan sa mga panghitabo nagpamatuod sa tagna sa Bibliya nga dili magkatapot ang yutang kolonon ug ang puthaw sumala sa panan-awon nga nakita ni Haring Nabukodonosor nga gihubad ni Propeta Daniel sa iyang basahon sa daang tugon, Kapitulo 2:42-43, ang kahulogan.

Wala makita sa uban ang pakingkamot sa pangulo kay nabutahan sila sa ilang kaugalingon nga interes o laraw nga maangkon ang bugti sa ilang pagtabang o boto panahon sa eleksiyon.

Layo ra ang atong kahimtang kay dili matured ang hunahuna sa uban, tawo man sa administrasyon o sa kontra partido kay naglabaw ang handom alang sa ilang mga personal nga interes samtang nagtakuban nga kunohay moserbisyo sa katawhan.

Mga kontra panahon sa eleksiyon atong makita nga maoy nangulo sa mga protesta sa kadalanan dili sama sa ubang nasud nga modawat sa kapildihan bisan wa pa nahuman ang pag-ihap sa mga boto kon sa ilang pagtan- aw wa nay purohan ug mosuporta sa mga programa sa mga molingkod sa gahum.

Sa tinguha sa Presidente nga malimpyohan sa kurapsiyon ang mga buhatan sa gobyerno, nakapangagho siya uban sa pagmahay nganong miapil-apil pa siya sa eleksiyon kay daw wala nay paglaum nga mahurot ang mga kurap nga opisyal sa kagamhanan kay grabe na ang kagaw sa kurapsiyon. Halos tanan naduhig sa kurapsiyon ug dili na kasaligan.

Unsang matang sa gobyerno ang atong masinati sa umaabot nga mga adlaw kon ang tanan dili na motuman sa balaod basta makasapi lang?

Sa mando ni Presidente Digong nga ipatuman unsay husto, daghan ang nanaway nga bogo kay apektado man ang ilang panguwarta.

Wala sa gobyerno dinhi sa yuta ubos ang tinuod nga kalinaw kay samtang naa pa ang yawa atong madungog nga dunay mga giyawaan tungod siya man ang amahan ug tigpasiugda sa kagubot sa kalibutan.

Bisan mga pangulo sa simbahan manggilabot sa pagpadagan sa gobyerno nga unta dili nila kini trabaho apan natakdan sila sa hugaw sa politika ug kagaw sa kurapsiyon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph