GIPIRMAHAN ni Presidente Rodrigo Duterte Republic Act 11313, ang Safe Spaces Act, niadtong Abril 17, apan gipagawas kini niadtong Lunes. Ang maong balaod nagsilot sa pagbinastos ngadto sa laing gender sa publiko ug sa Internet.
Ang gender-based sexual harassment naglakip sa catcalling kon pagsitsit ug pagsinggit nga biay-biay, wolf-whistling, unwanted invitations, misogynistic kon pagbugal-bugal sa mga babaye, mga estorya nga transphobic ug homophobic, pagpakauwaw ug pagsaway sa panagway sa tawo, way puas nga pagsusi sa personal nga detalye sa usa ka tawo, statement of sexual comments, public masturbation ug pagpakita sa mga pribadong bahin sa lawas ngadto sa laing tawo, panghikap ug panguot sa kuoton.
Nahilakip sa gender-based online sexual harassment ang pagterorismo ug pagpanghulga sa mga biktima pinaagi sa physical, psychological ug emotional threats, unwanted sexual misogynistic, transphobic, homophobic and sexist remarks and comments, invasion of privacy pinaagi sa cyberstalking, kanunay nga pagpadala og mensahe, pag-upload ug pag-share bisan way pagtugot sa mga hulagway ug videos o impormasyon, pagkopya sa identity sa biktima o pag-post og mga bakak nga makadaot sa kadungganan sa biktima.
Ang gender-based sexual harassment sa trabahoan naglakip sa mga unwanted sexual advances, hangyo nga makig-sex, isulti man o pinaagi sa technology.
Ang silot sa mga first-time violators mao ang multa nga P1,000, 12 ka oras nga community service ug patambungon og gender sensitivity seminar. Ang mga second-time violators prisohon gikan sa unom ngadto sa 10 ka adlaw ug multahan og P3,000. Samtang ang third-time violators prisohon hangtod sa 30 ka adlaw ug multahan og P10,000.
Ang first offenders sa pagpakita sa ilang pribadong bahin sa lawas sa publiko, public masturbation, panghinol ug ubang mga lihok sa pagbiga-biga multahan og P10,000, 12 ka oras nga community service ug patambungon og gender sensitivity seminar. Ang second-time violators prisohon gikan sa 11 ngadto sa 30 ka adlaw ug multashan og P15,000 samtang ang third-time offenders prisohon gikan sa usa ka buwan ug usa ka adlaw ngadto unom ka buwan ug multa nga P20,000.
Ang silot first offenders sa stalking o pagsunog-sunod sa biktima, pagbag-id sa bahin sa lawas sa biktima multa nga P30,000 ug pagkapriso sa 11 ngadto sa 30 ka adlaw ug pagtambong sa gender sensitivity seminar. Samtang ang second offenders multahan og P50,000, prisohon ug usa ka buwan ug usa ka adlaw hangtod sa unom ka buwan. Ang third offenders multahan og 100,000-fine.
Silot nga prision correcional medium period ug multa nga gikan sa P100,000 hangtod sa P500,000 ipahamtang sa nakalapas sa gender-based online harassment. (edbarrita@gmail.com)