SECTIONS
Tuesday, August 20, 2019
SUPERBALITA CEBU

Seblante ang tahura: Chan

LAPU-Lapu City Mayor Junard Chan mopagawas og kamanduan alang sa mga kawani o staff sa City Hospital nga bugtong si Dr. Joel Seblante maoy ilang tahuron ingon man mopirma sa mga dokomento mahitungod sa pagpadagan sa maong departamento.

Kini aron pagwagtang sa kalibog sa mga hospital staff kon si kinsa maoy ilang tahuron nga hepe sa maong buhatan.

Sa sayo pa, nakontrobersiyal ang maong ospital sa dihang nagdumili si Dr. Clifton Canton sa pagbakante sa iyang posisyon human nga gitudlo ni Chan si Dr. Seblante nga mohulip sa maong puwesto.

Gibutyag ni Chan nga iyang gihatagan og pagtagad ang apelar ni Dr. Canton kinsa midangop ngadto sa Civil Service Commission kinsa nagtuo nga adunay bolok pamolitika ang tinguhang pagpabalhin kaniya ngadto sa Santa Rosa Community Hospital, isla sa Olango.

Nagkanayon ang mayor nga adunay team nga gi-umol nga misusi sa performance ni Canton atol sa iyang pagdumala sa maong tambalanan panahon ni kanhi mayor ug karon kongresista Paz Radaza.

Base sa inisyal nga pakisusi giingong adunay nakitang kakuwangan sa pagdumala ni Canton sa maong ospital, apan wa una ibutyag ang giingong deficiency.

Sa laing bahin, nag-andam og reklamo si Chan batok niadtong kontraktor nga gi-hire sa Department of Health (DOH)7 ang MOM Enterprise sa higayon nga dili makatuman sa saad nga tapuson ang hospital expansion sud ning tuiga.

“Gahapon (Hulyo 16) pat ra ka tawo (MOM Enterprise) ang nagtrabaho, unya ang JO Builders (laing kontraktor) naay nagtrabaho but way materyales.

“Unsaon pag-igo sa target of completion kon ingon ana ang kahimtang?,”kuwestiyon ni Chan.

Nasayran nga niadtong unang quarter sa 2017 gisugdan sa MOM Enterprise, nagbase sa Nueva Ecija ang phase one sa proyekto.

Ang phase one naglangkob sa paghimo sa maong tambalanan ngadto na sa 2-storey building lakip na ang rampa nga mosumpay unta sa laing edipisyo.

Apan hangtod karon wa pa makompleto ang P19.7 million nga contract price sa maong phase one. (FVQ)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph