MOABOT sa 36 ka lakang ang naabtan sa usa ka lalaki human nakahig dihang nabanggaan sa naghaguros nga ambulansa niadtong Hulyo 16, alas 11:50 sa ganii sa Zone-7, Poblacion, lungsod sa Tagoloan, Misamis Oreintal.
Giila sa Tagoloan Police Station ang biktima nga si Reynante Toble, alyas Ranting, 33, taga Zone 6, residente sa susamang barangay.
Sa inisyal nga imbestigasyon, gibutyag sa usa ka trabahante sa Will Alacart nga si Justin nga ang biktima ubos sa ilimnong makahubog ug nipaingon kini sa highway.
Gasige pa gani kini nila og badlong kay kalit gapatunga sa dalan ug gahigda-higda sab kini sa kalsada.
Mao na lamang ang ilang nakita nga nabanggaan kini sa ambulansya nga gikan sa lungsod sa Balingasag hinungdan maayong pagkakahig niini pila ka metros ang kalay-on.
Gitouhang nabuak ang ulo sa biktima, nangawas sab ang sulod sa parte sa tiyan niini ug nagkadaiyang bun-og ug samad sa kalawasan nga maoy hinungdan sa iyang kamatayon.
Sa kasamtangan, ang patay’ng lawas ana na gidala sa Forelo Funeral Homes samtang driver sa ambulansya gikostudya na sa kapolisan.