ARON malikayan ang congestion sa pantalan sa dakbayan sa Cagayan de Oro, pormal nga gibuksan ang Opol Port sa Luyong Bonbon, lungsod sa Opol, Misamis Oriental.
Gibutyag ni Department of Transportation Secretary Atty. Arthur Tugade nga usa lang kini sa regalo ni Presidente Rodrigo Duterte sa taga Misamis Oriental ug Cagayan de Oro.
Gipasabot niini nga sa pagsugod pa ni Duterte wala kining Opol Port.
“Alam niyo nung nag-umpisa si Presidente Duterte wala pong pwerto sa lugar na iyan. Because of the inspiration and leadership of Philippines Port Authority Jay Daniel Santiago sabi niya magtatayo ng pwerto ng matulungan natin ng sa ganoon mababawasan yong congestion sa mga kargamento ng Cagayan port, kaya inaugurate namin,” matud ni Tugade.
Dugang niini nga ang mga dagkong kompanya sa weste nga bahin sa probinsya dinhi na magdunggo sa ilang mga supplay ug uban pa nga dili na iagi didto sa Cagayan de Oro Port.
Usa lang ang Asia Brewery sa dinhi na moderetso hilabina nga doul lang kaayo kini sa ilang planta. Ang pagbukas usab sa Wilcon Depot maoy rason adunay port aron ilang materyales direkta na sa lungsod sa Opol.
Gikalipay sab kining dako ni Opol Mayor Max Seno gumikan kay dugang kalamboan na usab kini sa ilang lungsod.