Kapolisan sa Gingoog gidid-an mosulod sa balay kalingawan

GIDID-AN na sa pagpasulod sa mga balay kalingawan ang mga trabahante sa gobyernor labina kadtong mga polis nga nakauniporme pa diha sa Gingoog City.

Kini ang kamandoan nga bag-o ni Gingoog City Mayor Erick Canosa ug nipaabot nga iya lamang gisunod ang mando sa Department of interior and Local Government (DILG) kini iyang nasayran bag-o lang sab atol sa iyang training kauban ang mga bag-ong napili nga mga mayores sa nagkalain-laing dapit sa nasod.

Matud niini nga gidili na gyod ang mga polis nga musolod sa mga balay kalingawan ug maghubog, manigarilyo.

“We will instill discipline sa atong mga kapulisan, isip mga tigbalantay sa siyudad kita gyud ang mag set as example,” pahayag sa mayor kinsa mibahad sab nga adunay bayolasyon nga atubangon ang mosupak niini.

Suportado usab kini kaayo ni Police Lieutenant Colonel Ariel Pontillas hepe sa Gingoog Police Station ug nipasalig nga siya ang mangunay niini ug mopitol sa iyang mga sakop nga adunay dakong kasupakan sa balaod.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph