Junkshop sa Mandaue City nasunog

CEBU. Upat ka sakyanan ang naugdaw human niigo ang sunog sa usa ka automotive shop sa dalan CP Batiller, Barangay Umapad, dakbayan sa Mandaue ganinang Huwebes sa buntag, Hulyo 18, 2019. Wala nooy nakalas o nasamdan atol sa sunog. (SunStar photo/ Arvie N. Veloso)
CEBU. Upat ka sakyanan ang naugdaw human niigo ang sunog sa usa ka automotive shop sa dalan CP Batiller, Barangay Umapad, dakbayan sa Mandaue ganinang Huwebes sa buntag, Hulyo 18, 2019. Wala nooy nakalas o nasamdan atol sa sunog. (SunStar photo/ Arvie N. Veloso)

BAKANTENG luna sa CP Batiller St., Purok Limonsito, Barangay Umapad, dakbayan sa Mandaue nga gihimong tambakanan sa body parts sa sakyanan nasunog pahimangno sa kabomberohan nga di mokompyansa sa mga insidente nga posibleng motumaw nga moresulta sa dakong kadaot.

Nangapaig na sa pag-abot sa Superbalita Cebu ang body parts sa mga sakayanan nga anaa gipangtambak diha sa yarda sa usa ka automotive company sa naasoy nga dapit.

Pagka alas 8:30 sa human madawat sa kabomberohan, ang alarma sa sunog nga daling giisa sa 2nd alarm alas 8:55 ganihang buntag, Hulyo 18.

Matod ni Fire Inspector Kyle Bryan Lauzon, Deputy Fire Marshall sa Mandaue nga giingong nag prayer meeting ang mga kawani sa Sakura Automotive sulod sa opisina niini sa dihang miulbo ang kayo nga mimugna ug baga nga aso, hinungdan nga dali dayon nga nangayo ug pakitabang ang mga namuyo duol sa maong dapit.

“Sa kana padayon paman among inbestigasyon karon pero among gitan-aw nga possibleng katong mga gitambak nga battery sa 20 sq.m posibleng nibuto," matod ni Lauzon.

Nasunog kining mga battery, mga auto parts ug ligid nga anaa gitambak sa luyo nga bahin sa yarda.

Lakip usab sa pagkasunog ang usa ka mini dump, usa ka forklift, usa ka mini backhoe ug multicab.

Sa kinatibuk-an moabot sa P650,000 ang danyos sa sunog.

Napawong ang kayo alas 9:32 sa buntag, gipahibawo ni Lauzon nga luwas ug way naangol sa maong panghitabo.

Pahimangno lang sa kabomberohan nga mahimong alerto sa mga kagamitan tungod kay matag oras dunay susamang insidente nga kalit lang mahitabo sa bisan asang dapit sa dakbayaan. (ANV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph