UPAT ka mga police ang gikatahong patay sa nahitabong engkwentro tali sa mga sakop sa New People's Army (NPA) sa lungsod sa Ayungon, Negros Oriental mga alas 2:30 karong Huwebes sa hapon, Hulyo 18, 2019.
Nahitabo ang maong engkwentro tali sa mga pulis ug mga NPA sa Sitio Ilaya-Yamot, Barangay Mabato sa maong lungsod.
Base sa spot report nga gipadangat sa Ayungon Police Station, nga samtang nagsakay sa duha ka motor ang upat ka mga police nga wala lang una nganli sa kapulisan kalit lang sila nga gipamusil sa dihang duol na sila sa panimay ni Oto Anadon sa sitio Ilaya-Yamot sa Barangay Mabato.
Ang mga biktimang pulis nakaangkon og mga pinusilan sa nagkadaiyang bahin sa ilang kalawasan gamit ang wala pa matino nga kalibre sa armas.
Samtang ang mga sakop sa NPA dali nga misibat paingun sa kakahuyan sa maong lugar.