DEAR Papa Joe,
Tagua lang ko sa ngalan nga Janine, 26 years old, usa ka factory worker sa Lapu-Lapu pero taga Bohol gyud mi og kaliwat.
Akong suliran mao ang tinaguang relasyon sa akong brother-in-law. Naa man gud ko nagpuyo sa boarding house sa akong maguwang unya nilarga siya sa abroad kay nag-training. Ambot ba unsa hitabua nga sa kalit lang naay nahitabo namo. Mao ni akong problema ron kay na develop na man mi sa usag usa. Mao ni akong patambagan karon.
JANINE
Janine,
First and foremost, likayi kanang sitwasyuna kay di kana magbunga og maayo. Samtang sayo pa ug wa pa magbunga inyong gibuhat, undanga kay dako nang eskandalo sa inyong pamilya.
Respitari imong pamilya ug ayaw itukmod ang imong brod in law nga masayop og samot ug maguba ilang pag puyo.
Mas maayo mopalayo nal ang sad ka total may trabaho na man sab ka. Para likay gubot, pugngi kutob sa mahimo kay ikaw ra ang alaot ana. Daghang salamat
PAPA JOE
(sa inyong tampo ipadala sa papajoesuperb@gmail.com)