SECTIONS
Sunday, August 25, 2019
SUPERBALITA CAGAYAN DE ORO

MisOr baseball players mitapos nga 3rd placer sa South Korea

(Pinaambit nga hulagway)

DAKONG garbo sa nasud hilabina sa Misamis Oriental ang dungog nga hatod sa mga batan-ong baseball player human mitapos sa ikatulo nga pwesto sa gipahigayon nga 2019 Asia Pacific & Middle East Little League Baseball Regional Tournament sa Hwaseong, South Korea niadtong Hunyo 24 ngadto 28 ning tuig.

Adlaw’ng Lunes, Hulyo 15, atol sa pagpakayab sa nasudnong bandila tagsa nga gipasidunggan ni Misamis Oriental Governor Bambi Emano ang mga atleta pinaagi sa paghatag og medalya kanila.

Nasayran nga 13 ka mga delegado nagikan sa lain-laing nasod sa Pilipinas ang gikabangi sa mga batan-ong Misamisnon ug ilang naangkon ang ikatulo nga pwesto kon asa 1st placer ang nasod sa Japan ikaduha ang South Korea ug ikatulo ning nasod sa Pilipinas.

Pwesto nga dili na basta-basta gumikan kay mapresenstar lamang ang nasod sa Pilipinas usa na kadakong garbo.

Ang mga players niini nagikan sa lungsod sa Alubijid ug lungsod sa Magsaysay.

Sa iyang bahin gipasalamatan ug dako ni Emano ang mga tao luyo sa kalamposan sa mga batan-on sama nila ni School Division Superintendent Randolph Tortula.

“Tungod sa kakugi ug kaikag ni Dr. Tortula, he was the one who made it a point that they will be able to travel even when the times naa koy challenges pag-abot sa opisina tungod sa nahitabo sa among pamilya pagpanaw sa akong amahan but Dr. Randolph Tortula was very insistent because they really wanted to give opportunity to our young baseball players in the province so kini basta gani paugnat sa kusog siya ang atong pasalamatan,” matud ni Emano.

Lakip sa iyang gipasalamatan ang Education Program Supervisor ug Sport Coordinator nga mao si Johnny Renondo nga gitawag niining ‘Icon of Sports in Misamis Oriental’ ingon man ang coach nga si Mark Duat.

“Thank you coach sa imong pag antos ug pagtudlo sa mga bata mas maayo pa unta ang hingkod tudloan pero ang mga bata badlungon kaayo, pero naa gyod kay pasensya nga maka train tawon sa ila,” dugang ni Emano.

Nasayran nga kini nga mga atleta nidaog sa baseball niadtong Palarong Pambansa hinungdan nga maoy girepresenta sa laing nasod.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph