Emano mibalibad himuong presidente sa mga gobernador

GIBALIBARAN ni Misamis Oriental Governor Bambi Emano ang sugyot sa iyang mga kaubang gobernador sa nagkalain-laing dapit sa nasud sa Pilipinas nga maoy mangulo o mahimong presidente sa League of Governors in the Philippines.

Gipaabot ni Emano nga adunay meeting nga natigayon niaging semana kauban niya ang tanan gobernador sa nasod ug siya gihangyo nga maoy mag presidente sa liga.

“We had a meeting with the Governors in the country naay dynamics ug ila gani ko gihangyo nga mag presidente sa Pilipinas sa Gobernadores,” matud niini ug miingon nga mismong si Kanhi Senator Chiz Escudero nga karon Gobernador na sa Sorsogon ang usa sa mihangyo kaniya niini nga posisyon.

Apan iyang gihangyo nga mas pilion na lang nga ang nahibilin nga termino ipokos sa pagserbisyo sa katawhan sa lalawigan.

“Naghangyo pod ko sa ila, nag ingon ko nga lami gyod kaayo ang ngalan nga presidente ka sa Liga sa Gobernadores unya last term na nako, I want to spend all of my time serving my people in the province and thanking them so wala nako gidawat ako gihatag sa ila, naghangyo pod ko nga di modawat miingon lang ko nga mosuporta lang ko,” matud ni Emano.

Dugang niini nga siya sab ang gisuna kung kinsa ang iyang irekomendar nga Regional Chairman sa Rehiyon 10 sa mga gobernador.

“In fact they asked me kinsa man imo i-recommend nga Regional Chairman ingon ko si JJ Romualdez sa Camiguin kay first term, so si JJ Rumualdez, I would like to spend the time in the province, spending most of my time, the 1000 days in the province of Misor,” dugang niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph