SECTIONS
Sunday, August 25, 2019
SUPERBALITA CAGAYAN DE ORO

35 modernong mini coaster biyaheng weste sa MisOr

GILUSAD ang Public Utility Vehicle Modernization Program (PUVMP) niadtong adlaw’ng Lunes, Hulyo 15, sa dakbayan sa Cagayan de Oro nga gipangunahan ni Department of Transportation Secretary Atty. Arthur Tugade ug Land Transportation and Franchising Regulatory Board Regional Director Allan Guro.

Nakalaray sab ang mga modernong buses, dyip ug lakip kining 35 ka mga mini coaster nga gipanag-iyahan ni Rey Allan Ellarina kinsa mas nailang si Donsals.

Gipasabot niini nga kining gipanag-iyahan nga mini coaster mobalor og tag P3.7 milyon matag usa ka unit, 29 seater ug puno sa amenidad sama sa libreng wifi ug naka-comply sa Euro-5 kon gibutyag niining environment friendly.

“Kini atong coaster naka Euro-5 compliance na kini siya, hi-tech ang coaster bus naka equipped og closed-circuit television camera (CCTV) nga kung naay magbinuang sa sulod dali ra ma communicate sa atong opisina ug ma-report dayon nato sa kapolisan. Pwede sad siya live nga makita sa cellphone tungod sa gamit,” matud ni Donsal.

Gipasabot sab niini nga pokos sila karon sa weste nga bahin sa Misamis Oriental sa biyahe ug dili pa moabot sa este.

Gisiguro niini nga ang plitehan dili ra molayo sa plite sa dyip aron ang katawhan makatilaw og sakay sa luxury cars sama niini.

“Atong pasahero (dunay) free Wi-Fi, ang pamasahe mao mao ra dyip, gituyo nga dili mahal ang plite para atong mga igsuon nga naa sa kabarangay pwede mosakay og luxury nga masakyan,” matud niini ug miingon nga walay problema kadtong mga nangompra sama sa isda, karne ug uban pa tungod kay ilang mga kinompra ibutang sa box sa likod aron haruhay ilang pagsakay.

Ang mga driver sa wala pa gipamaneho niini gipaubos og training ug gawas niini adunay naka built-in nga GPS kon asa maximum 80 kph ang speed ug kung molapas niini moalarma kini sa ilang opisina ug matawagan ang driver.

Kumpiyansa si Donsal nga ang katawhan mo-adopt niini nga sakyanan.

“Kung unsay imong hitsura pagsakay, unsa ka ka fresh pagsakay mao ra sab gihapon imong hitsura pagnaog,” dugang pa niini.

Kumpiyansa sab kini nga kung ang katawhan mosakay ug mosuporta niini walay mahitabong alkanse.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph