SECTIONS
Sunday, August 18, 2019
SUPERBALITA CEBU

Piniriso hatagan og senina, sapatos

PAGPANGHATAG og personal nga kagamitan sa inmates ang unang lakang nga pagahimuon ni Gob. Gwen Garcia sa Cebu Provincial Detention and Rehabilitation Center (CPDRC).

Atol sa pagbisita ug pagsusi ganihang buntag, Hulyo 19, sa inmates kauban ang CCPO Director Pol. Col. Roderick Mariano, nasuta sa gobernador ang nagkalain-laing kolor sa mga uniporme niini ug uban pang panginahanglan sa buhatan hilabi na ang mga butang nga gikinahanglan para sa panginabuhian sa mga inmates sama patahian, handicrafts, paintings, ug uban pa.

“Dako ang trabahuon apan dili nato ni madali-dali apan inyong kasaligan sama sa inyong nakita nako sauna di gyud ko mu-undang hangtod matarong ta nig balik,” mensahe ni Gob. Garcia human sa pasundayag nga sayaw sa mga piniriso.

Dugang sa gobernador muhatag siya og panapton para sa bag-ong mga uniporme ug sapatos alang sa mga inmates homan iya kining nakit.an nga nagsul-ob og tsinelas samtang nanayaw.

Tutukan usab sa gobernador ang pagbalik sa kanhing mga programa sama sa rehabilitation program, pagpanahi, pagbalik sa tagsa-tagsang passbook sa mga piniriso ug himuong kooperatiba ang tanang kita aron ang tanan adunay bahin.

Sa pagkakaron, Huwebes, Hulyo 18, 2019, ang CPDRC dunay 2,354 ka lalake, 171 ka mga babaye ug adunay kinatibuk-an nga 2,525 nga mga piniriso sa CPDRC.

Gikan sa Norte sa Sugbo ang mga kadaghanan sa mga piniriso diin sa lungsod sa Consolacion ang dunay pinakdaghan nga moabot og 469 ug musunod niini ang lungsod sa Liloan nga 357. (Chello Barellano ug Myla Tabio, CNU Intern)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph