SUPERBALITA CEBU

Kabit, misis nasakpan nagdug

USA ka 35-anyos nga misis naaktohan sa iyang 36-anyos nga mister nga nakigdulog sa iyang 36-anyos nga kabit pasado ala una sa kadlawon sa Huwebes, Hulyo 18, sa may Sitio Dapdap, Brgy Mactan, Dakbayan sa Lapu-Lapu.

Giingong naka shorts na lang misis ug kabit dihang naaktohan sa bana samtang nagtindayay.

Dali nga gisikop sa kapulisan sa Mactan Police Station ang misis ug kabit dihang nakita ang ilang panagadulog.

Kauban sa mga pulis ang bana sa babaye.

Matod ni Police Major Miguel Andeza, hepe sa Mactan Police Station, nga silingan sa banang si Juan (di tinuod nga ngalan) ang misumbong niini kalabot sa binuang sa iyang asawa nga si Joy (di usab tinuod nga ngalan) hinungdan nga dali siyang nagpatabang sa kapulisan.

Giingong ang silingan ni Juan nitaho kaniya nga nakit-an si Joy sa Sitio Dapdap nga adunay gikaubang lalake sa usa ka balay.

Didto na maabti si Joy ug ang kabit niining si Jaime (di tinuod nga ngalan) sa lawak sa ilang giukoparang balay nga nagdulog.

Sila si Juan ug Joy anaa nanimuyo sa Sitio Lupa, Brgy Punta Engaño.

Usa ka drayber ug mekaniko si Juan samtang way trabaho si Joy. Usa usab ka construction worker si Jaime, lumad nga taga Marikina City sa kaulohan.

“Humana siguro ni sila pag-abot sa atong mga pulis, dulog-dulog na lang, tandaytanday na lang sila kay kadlawon naman, ” matod ni Andeza sa Superbalita Cebu.

Wa na hinuon maklaro ni Andeza kon maayo pa ba ang relasyon nila ni Juan ug Joy hinungdan nga midulog kini ni Jaime, apan nagduda siya nga posibleng dugay na ang ilang tago-tago nga relasyon.

“Regardless nagbulag o unsa ba, wala man gihapon kay katungod nga kuan basta kasado ka, dili man pwedi modulog og lain. Katong pagdulog nila, klaro na kaayo nga naa silay gibuhat,” matod ni Andeza.

‘Gi-rape’

Tinun-an sa usa ka tunghaan sa bukirang dapit sa siyudad sa Sugbo nga nagpangidaron pag 17 anyos nireklamo nga gilugos siya sa iyang 24 anyos sa Barangay Sirao, Miyerkules sa alas 7 sa gabii, Hulyo 17.

Una siya nisumbong sa iyang inahan human sa insidente, dali nga naka-report sa Talamban police station.

Nilusad og manhunt operation ang kapulisan uban sa mga barangay tanod sa Sirao alas 10 sa gabii nga niresulta sa pagkasikop sa ilang balay.

Ang suspek giila nga si Michael Barnido, 24, nagpuyo ra usab sa maong dapit.

Matod ni Police Corporal Mary Joy Daligdig sa Women and Children Protection Desk sa Talamban police station nga positibong gitudlo sa biktima ang suspek nga maoy nilugos kaniya.

Gipakita pa niini ang mga kiss mark nga halos mabulit ang tibuok lawas sa dalaga diin ang labing dako naa sa iyang walang dughan.

Giingong nagkita sila sa usa ka lugar sa barangay Sirao ug didto na nahitabo ang paglugos. (GCM, AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph