SUPERBALITA CEBU

E-bikes panakpon sa LTO

ANG Land Transportation Office (LTO) nipahimangno sa publiko nga panakpon na nila ang tanang electric bike (e-bike) nga masakpang modagan sa tanang mga karsada sa kagamhanan.

Ila kining i-impound sud sa 90 ka adlaw ug multahan ang tag-iya og P7,000.

Si LTO 7 Director Victor Emmanuel Caindec niingon nga ilang hunungon ang illegal operation sa e-bikes sa pampublikong mga lugar sa di pa kini managhan sama sa habal-habal (motor taxi) ug trisikad nga mao nay panginabuhi sa pipila ka mga tawo.

Iyang gibana-bana nga dunay 200 ka e-bikes nga nagdagan sa mga karsada sa siyudad nga way registration ug insurance.

Matod ni Caindec nga siya naguol nga gipamalit ang e-bikes gikan sa nagkadaiyang mga tinubdan sa tag P16,000 matag unit apan gipadagan bisan asa.

“If these e-bikes will meet an accident on the road, there is no insurance to cover the victim and probably the drivers have no license,” matod ni Caindec.

Siya nidugang nga ang mga tag-iya nigamit ning sakyanan sa bisan unsang katuyoan, pinaagi sa pagbutang og sidecar alang sa mga pasahero o personal nga gamit.

“These are running on government roads, including major thoroughfares without LTO registration, hence, illegal and subject to apprehension and penalty,” nagkanayon si Caindec.

Si Caindec niingon nga ang LTO mahimong mo-rehistro sa e-bikes isip mga sakyanan kon ang Department of Trade and Industry (DTI) molatid og specification ug ang Department of Environment and Natural Resources (DENR) moluwat og clearance.

Dihang gikuhaan og pamahayag, si DTI 7 Director Asteria Caberte niingon nga nakasabot siya nga ang e-bikes wa marehistro sa LTO kay di unta kini padaganon sa mga karsada.

“For those assembled in the Philippines, a Board of Investment (BOI) accreditation/registration is required before it can be registered with the LTO,” matod ni Caberte. (EOB sa SunStar Cebu)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph