SECTIONS
Sunday, August 25, 2019
SUPERBALITA CEBU

Mga pulis nga giambush sa Ayungon sakop sa RMF 7 Intelligence Unit

ayungon

GIKOMPIRMAR sa Police Regional Office-Central Visayas ang kamatayon sa upat ka mga police nga giambush patay sa mga sakop sa New People's Army sa lungsod sa Ayungon, Negros Oriental kagahapon sa hapon.

Ang upat ka mga police mga sakop sa Intelligence Unit sa Regional Mobile Force Battalion-Central Visayas.

Giila ang mga biktima nga sila si Police Corporal Relebert Beronio, Patrolman Raffy Callo, Patrolman Roel Cabellon ug Patrolman Marquino de Leon.

Alas 7:30 kagabii, Hulyo 18, naugkat ang mga patayng lawas sa upat ka mga police tungod kay aduna pay nabantayan nga presensya sa mga NPA sa dapit.

Ang mga armas sa upat ka mga police gipang kuha usab sa gituohang mga sakop sa mga NPA.

Sa spot report nga gipadangat sa Ayungon police nga samtang nag-angkasay sa duha ka mga motorsiklo ang upat ka mga pulis, kalit lang sila gipamusil sa dihang duol na sila sa balay sa usa ka Otto Anadon sa sitio Ilaya Yamot, Barangay Mabato.

Ang mga biktima nakaangkon og mga pinusilan sa nagkadaiyang bahin sa ilang kalawasan gikan sa wa pa matino nga kalibre sa armas.

Katapusan nga nasigpatan ang mga komunista sa wala matino nga gidaghanon sa kakahuyan sa barangay Mabato lungsod sa Ayungon. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph