SECTIONS
Sunday, August 25, 2019
SUPERBALITA DAVAO

‘Dengue outbreak’ sa Davao mag-agad sa LGU

DAVAO. Gipang-ispreyhan sa mga personahe sa Davao City Health Office Tropical Disease Prevention and Control Division ang mga suok-suok nga bahin sa mga balay-balay sa Purok 1, Barangay Mahayag, Bunawan, Davao City kagahapon human mitala og upat ka kaso sa dengue ang lugar kon diin duha niini gipailawom sa obserbasyon. (Macky Lim)

SA PADAYON nga pagtaas sa kasong dengue sa dakbayan sa Davao, ang Department of Health (DOH)-Davao nagbutyag nga dunay dakong posibilidad sa siyudad nga modeklara og outbreak, apan, mag-agad gihapon kini sa lokal nga kagamhanan kon tan-aw nila kinahanglan base sa ihap sa mga kaso.

Si Dr. Cleofe Tabada, hepe sa Department of Health’s (DOH) Regional Epidemiology Surveillance Unit (RESU), nagsulti nga una ang lokal nga kagamhanan modeklara og outbreak, dunay pipila ka rekisito ang himuon. Kini maglakip sa laboratory surveillance, environmental investigation, epidemiologic investigation, ug surveillance data mga tulo ka tuig.

Matud niya nga sulod na sa daghang katuigan, ang Davao City kanunay nga nanguna sa mas daghang mga kaso sa dengue sa tibuok rehiyon.

“In fact, gi-label na gani nato siya - ang term isa ka sakit nga common sa isa ka area, tawag nato ana endemic. Pero ang nahitabo sa Davao City, permi lang siya taas. For so many years, so kung tan-awon nato ang pattern, mao ng ginatawag na nato siya nga hyper endemic kay mura bag dili na gani mahitabo ang isa ka tuig nga walay ma-zero siya ug dengue,” matud ni Tabada.

Ang Davao City nakarehistro sa pinakataas nga ihap sa kasong dengue sa 1,630 sa Davao Region gikan Enero Enero 1 hangtud Hulyo 15 karong tuiga uban sa unom ka gitahong patay. Ang pagsulbong sa dengue sa siyudad, mahimong tungod sa ihap sa populasyon.

“Kung imong pangutana ang Davao City naay possibility nga mag epidemic, dako kaayo tungod sa kadaghan sa kaso, kompleto ta sa factors, atong mga lamok, duol kaayo sa mga tawo. So dako kaayo ang possibility,” tin-aw niya.

Dugang niya, “Ang declaration naa man god na sa local government unit. Again kung kompleto ba sila adto kay pwede man gud ka nga musulti nga naa kay problema, naa koy kalamida pero pag muingon kag epidemic, it has to be proven scientifically. Naa kay basis [The declaration would still be up to the local government as long as they completed the needed requirements.”

Giklaro ni Tabada nga ang outbreak nagpasabot og bisan unsang talagsaon ug wa na masubay sa naandan. Sayo niini, ang lokal nga kagamhanan sa Island Garden City of Samal (Igacos) nagdeklara og state of calamity tungod sa dengue fever outbreak.

Samtang, tungod sa nagkadako nga pagsaka sa sakit nga hatud sa lamok, nga gilauman nga magpadayon karong tuiga tungod sa three-year pattern ug karon nga kanunay nang mag-ulan, mga opisyal sa panglawas niapela ngadto sa publiko nga magpakonsulta gilayon kon ila nang namatikdan ang mga sinyales ug simtomas aron pagpugong nga di na mosamot ang ilang kondisyon nga posibleng ikamatay. (Juliet C. Revita)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph