‘Killer minors’ sa negusyante



COTABATO CITY -- Dumot sa pamilya ang gilantaw nga motibo sa pagpatay sa negusyante sa giingong duha ka menor de edad alas 7:10 sa gabii niadtong Huwebes, Hulyo 18.

Ang gipatay giila nga si Habid Balabaran, 36, minyo, ukay-ukay vendor, molupyo sa Barangay Tamontaka sa nahisgutang dakbayan.

Sa taho gikan sa Cotabato City Police Office, nasayran nga naglakaw lang ang biktima sa Jose Lim Sr. Street, kanto sa Bonifacio Street sa Baragany Poblacion 6 sa dakbayan sa dihang gipusil.

Sumala pa, giatngan nang daan ang biktima sa duha ka mga menor ug gipikhan gamit ang kalibre .45 nga pistola.

Abtik sab nga miikyas mga suspek sakay sa motorsiklo paingon sa hilit nga dapit sa dakbayan.

Dali sab nga gitabang ang biktima sa mga nagresponde nga pulis ug gidala ngadto sa Cotabato Regional and Medical Center (CRMC) apan nakabsan kini sa kinabuhi.

Nakaangkon og unom ka samad pinusilan sa lawas si Balabaran nga maoy hinungdan sa iyang kamatayon.

Atol sa gilusad nga operasyon sa mga awtoridad, nadakpan ang duha ka menor nga nagpangedaron lang og 14 ug 16 anyos.

Gibalhog ang mga suspek sa Costudial Facility sa Cotabato City Police Office alang sa himuong tukmang lakang. (Edgar E. Fuerzas

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph