SA PAGPUYO ning kalibutan
Way luna ang pagkatapulan
Kay ang atong mga gikinahanglan
Palitunon ang tanan--
Pagkaon, sinina, transportasyon,
Pagtukod og barungbarong
Kuwarta baya ang gamiton.
Kinahanglan tang mo-aksyon
Karon, karon dayon.
Lihok na intawon, tawo,
Kay gamay ra baya na sila,
Ang manggihatagong mga dato.
Kon magtungok ka diha
Ug way buhaton, wa gyuy
Mohatag nimog pagkaon.
Kon magpadala ka sa katapulan
Itukmod ka niini sa imong kaalautan.
Ayaw na pagtinapulan
Kay ning nagkagubot nga kalibutan
Kakugi ang gikinahanglan
Alang sa imong kalambuan!