Basil: Jane de Leon angayan sa Darna

MANILA - Ang kanhi miyembro sa Girltrend nga si Jane de Leon ang napiling bag-ong Darna. Pero niagi sa butas sa karayom si Jane una siya napili tungod kay ubay-ubay sad ang nag-audition nga ang kadaghanan nag-workshop sa Star Magic og sa Star Hunt.

Bago napili si Jane, pipila ka mga artista ang gi-consider na maging Darna sama nilang Angel Locsin og Liza Soberano. Pero parehong may health issue ang duha. Si Angel gimolo ang iyang likod sa dihang nahug siya sa kabayo sa unang movie niya sa Star Cinema kaniadto with Piolo Pascual sa Bukidnon og si Liza naman, recently nagka-problema sa iyang kamot.

Dili puwede lelembot-lembot si Darna, kinahanglang very strong siya physically og sa tan-aw ko, pasado naman siguro si Jane tungod kay gisala naman siguro nila og husto si Jane.

Bisan si Jane, nakurat sa dihang gipahibalo sa iyaha sa Star Magic nga finally, siya ang napili. Wa jud siya makatuo.

Although Jane recalled nga kaniadto pa, nagkomedyahay sila ni Xander Ford (nga that time wa pa ma-retoke og Marlo Arizala pa ang screen name) nga kon pananglit si Jane ang mamahimong Darna, siya kuno ang Ding.

Pero dili siguro puwede tungod kay hamtong na si Xander. Kinahanglang mas bagets ang Ding og daghang mga taga-Goin’ Bulilit to do the role.

Pipila na sad ka tuig si Jane sa showbiz, naging commercial model siya and then naging talent pa siya sa GMA-7 pero sa ABS-CBN nagkapangalan. Usa sa di ko makalimtang role ni Jane sa teleserye mao ang “Halik” where she played as sister ni Jericho Rosales og siya ang love interest sa gwapo og hunk nga si Gab Lagman.

Pipila sa mga naging Darna sa pelikula nga akong nakita on screen mao sila si Vilma Santos, Nanette Medved, Anjanette Abayari og sa teleserye naman, sila si Angel Locsin og Marian Rivera.

Goodluck Jane. I know you can do it.