SUPERBALITA CEBU

Albor: Tikas sa PCOS

Sandiganan

ULTIMATUM. Mihatag og panapos nga tugon si Pres. Rodrigo Duterte ngadto sa Comelec nga wagtangon ang Smartmatic nga maoy mikontrata sa Precinct Count Optical Scanner (PCOS) o Vote Counting Machines (VCM) sa automated computerized nga eleksyon.

Papangitaon og bag-ong teknolohiya nga walay matik-matik nga tikas. Ipahunong ang serbisyo sa Smartmatic nga maghatag og problema ug makamugnag kagubot. Gusto ni Duterte nga ilisan og laing mikanismo nga usa unya sa iyang ipalanog sa ika-upat nga State of the Nations Address sa Hulyo 22, 2019.

Sa milabayng eleksyon dunay mikagar nga mga PCOS machine sa nagkalain-laing dapit sa nasod. Kadudahan ang resulta. Hinoon kasagaran natataw nga migawas gyod ang tingog sa mga pumipili. Apan niadtong 2016 nga eleksyon ang Smartmatic mimatik-matik sa resulta konsabo ang Comelec tali sa gikasabot nga mga kadagkoan sa LP. Si Sen. Chiz Escudero mipresentar sa kanhi opisyal sa Comelec pagmatuod sa tikas sa PCOS sa iyang pagtambong pagdungog sa joint congressional oversight committee diin mipadayag sa ilang nadiskobrihan nga back-up secure digital memory cards nga gipuli sa original memory cards nga dili samag hitsura. Gidetalye sab ang maong pagpanglimbong pinaagi sa isog nga pagbutyag ni Atty. Glenn Chiong sa inbestigasyon sa kongreso. Bongbong Marcos mipresentar sa pongpong sa mga ebidensya nga gimaneobra ang resulta pinaagi sa PCOS hinungdan sa iyang protesta batok ni Vice Pres. Leni Robredo. Mao sab si Mike Rama miprotesta batok Cebu City Mayor Tomas Osmeña, Daphne Lagon batok Tuburan Mayor Aljun Diamante, daghan pang uban.

Dakong kamatuoran sa tikas nagtug-an sa pagka-impeach ni Comelec Chairman Andres Bautista sa ubos balay-balaoranan. Wala na masang-at sa senado ang impeachment sanglit si Bautista nagdali-dali og luwat sa iyang katungdanan human makapanimaho sa hingpit niyang pagpalagpot. Gimatuod ang maong tikas sa kapikas nga si Patricia human maduhig sa lapok kay polos nagbudhi sa ilang kaminyoon. Si Patricia nangayog bahin nga 620M pesos nga maoy katunga sa pangwarta sa PCOS nga 1.2B pesos.

Wala maapil sa SALN ni Bautista ang naasoyng kantidad hinungdan nga kandidato sa impeachment. Si Atty. Lorna Capunan nga kauban kaniadto sa law firm ni Bautista nahibalo sa tinunto sa PCOS sanglit midagan og senador nga wala kadaog. Naglisod sa pagpatin-aw si Bautista sa mga ebidensyang vouchers sa Smarmatic nga gihuptan sa iyang kapikas nga si Patricia. Duna pay vouchers maisip nga kamatuoran sa ghost payroll sa tsirman pa si Bautista sa PCGG..


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph