KITA tanan dunay mga naandang tulomanon sama sa pagluto, pagkaon, pagkatulog, panrabaho apil ang mga simpling ginbuhaton sama sa pag-toothbrush og pagkaligo.

Apan kahibalo ka ba nga kini ra sab nga mga tulomanon maoy modaot sa atong panlawas labi na og kini segi-segihon ug pirmanintihon.

Unsa ma ning mga naandang ginbuhaton nga kung masubrahan makadaot?

Una ang subrang pag-inum og tubig. Di ba gibalik-balik man kita og pahimangno nga ang atong lawas nagkinahanglan og daghang tubig maong pinaka menus ang 8 ka baso nga tubig kada adlaw.

Apan ang WebMD nag-ingon nga kung imong pasubrahan ang pag-inum sa tubig, makalasaw hinuon kini sa sodium (asin) nga anaa sa dugo. Kini sab ang maka-ingon sa laing mga sakit-sakit. Pananglitan, kung magkalibanga pa imnon man gilayon ka og mga ilimnon sama sa Gatorade kay duna man kini sodium aron mabalik pag normal ang lebel sa sodium nga naa sa dugo.

Sunod ang pagsegi og kaon og snacks (labi na midnight snacks) bisag wa gutoma. Matod sa Reader’s Digest ang pagsegi og kaon og junk foods makapasamot og bug-at sa timbang, mopasaka sa kamay, asin og cholesterol nga naa sa atong kaugatan.

Lain sab ang kanunay nga paggamit sa cellphone o ubang electronic gadgets. Mi-ingon ang Cosmopolitan nga kung imo kining gamiton bisag ting katulog na, ang suga gikan ini modikta sa imong utok sa pagpasiga sa mata maong magkuwang na hinuon sa oras sa tulog maong magluya ug magmika sunod adlaw.

Sunod kining di mokaon og pamahaw. Kadtong way pamahaw kay nagdali, wa gutoma o ba kaha nag-diet mosamot hinuon ka tambok kay matintal naman hiunon og sima-sima og mga checheria nga daghan og preservatives unya way sustansiya.

Masubrahan og toothbrush ang ngipon. Kung subra na ka 3 ka beses sa usa ka adlaw unya grabe pa ang pag nos-nos sa ngipon nga mura nag gikoskos aron mo puti maka guba hiunon kini sa natural nga enamel og makapa bun-og sa lagos. Kung mag toothbrush, angay hinayon aron ma protektahan ang ngipon.